26/12/2013 10:36:04

Turqit në protesta kundër Erdogan. Mjafton ndërrimi i kabinetit ?

Dhjetë ministra lënë postet. Valë trazirash në Ankara

ANKARA - Kryeministri i Turqisë, Recep Tayip Erdogan ka ndërruar pothuajse gjysmën e kabinetit të tij, gjithsej 10 ministra pas skandalit të madh te korrupsionit, për shkak të të cilit dje dhanë dorëheqjen tre ministra.

Pas një takimi që zhvilloi me dyer të mbyllura me presidentin Abdullah Gyl, shefi i qeverisë njoftoi se do të ndërronte 10 ministra.

Kabineti i Erdoganit mbeti dje pa tre ministra, atë të Ekonomisë, të Punëve të Brendshme dhe të Mjedisit, pas dhenies se dorëheqjes për shkak se djemtë e tyre janë mes 24 të arrestuarve në një hetim masiv korrupsioni.

Kryeministri turk po ashtu ka ndërruar ministrin e tij të ngarkuar për Europën, pasi doli se edhe ai ishte i përfshirë në këtë skandal.

Erdogan ndërroi edhe ministra te tjere si ate të Drejtësisë, të Sportit, Industrisë dhe një nga nënkryetarët e qeverisë.

Ministër i ri i Punëve të Brendshme është emëruar Efkan Ala, i Ekonomisë, Nihat Zajbekaç dhe i Mjedisit është emëruar Idriz Gyljuç. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin