23/12/2013 14:45:31

Xhelal Mzui 'Arrest me burg'

Gjykata e Tiranes jep vendimin per Kryebashkiakun e Kamzes

TIRANE- Kryebashkiaku i Kamzës, Xhelal Mziu është paraqitur sot në Gjykatën e Tiranës ku është njohur me akuzat e ngritura ndaj tij, si dhe me masën e sigurisë “arrest me burg”, ndaj tij. Gjatë seancës së zhvilluar gjykata pas këqyrjes së dosjes së përpiluar nga prokuroria ka marrë vendimin të marrë parasysh kërkesën për të marrë masën “Arrest me burg” për shtetasin Xhelal Mziu, për akuzën e korrupsionit.

Kryetari i Bashkisë Kamëz u arrestua mbrëmjen e të premtes pasi akuzohet për pabarazi në tenderin e ndërtimit të rrugës Valias i ri-Laknas. Arrestimi erdhi pas një hetimi i cili kishte nisur disa muaj më parë, nga krimi ekonomik në Policinë e Tiranës. Të njëjtat akuza rëndojnë edhe ndaj drejtorit juridik në Bashkine e Kamzës, Atli Hoti, i cili edhe pse në fillim u tha se ishte kapur, në versionin zyrtar të policisë rezulton i shpallur në kërkim

Fondi i tenderit për këtë rrugë ka qenë 81 milionë lekë dhe vlerësimi i ofertave është bërë në datën 27 maj 2013. Pas skualifikimit, kompania “Gjoka” ka bërë apelim në të gjitha shkallët, duke arritur që të fitojë të drejtën për kryerjen e punimeve.

Sipas hetimeve, Bashkia e Kamzës nuk ka zbatuar këtë vendim të komisionit të prokurimit publik, duke autorizuar kryerjen e punimeve nga një kompani tjetër, ndërkohë subjektit të dëmtuar i janë krijuar pengesa deri në mesin e muajit shtator. Pas kësaj kohe, me të marrë njoftim se në rrugën objekt tenderi kryheshin punime nga një tjetër kompani, subjekti i dëmtuar ka bërë padi në prokurori.
Na ndiqni dhe në Facebook dhe Twitter

HermesNews-©2013

Dërgo me email | Stampo artikullin