23/12/2013 14:20:31

Ceremoni nga Policia e Elbasanit

Dhurata per familjet e policeve te rene ne krye te detyres

ELBASAN- Drejtoria e Policisë së Qarkut të Elbasanit edhe këtë vit ka organizuar një ceremoni për të kujtuar të rënët në krye të detyrës në qarkun e Elbasanit. Në këtë kuadër, shumë biznese të ndryshme kanë sponsorizuar për të ndihmuar familjet e tyre në festat e fundvitit.

Drejtori i Policisë se qarkut, Neritan Nallbati, pasi ka uruar të gjithë familjet e policeve të rënë për një vit sa më të mbarë, tha se “ne vlerësojmë aktin sublim të punonjësve të Policisë të rënë në krye të detyrës, për të ruajtur rendin dhe qetësinë”, ndërsa ka shprehur mbështetjen e Policisë së Shtetit për fëmijët e policëve të rënë pasi ata janë simbol i vendit.

Në këtë ceremoni kanë marrë pjesë edhe prefekti i qarkut, Arben Kamami si dhe kreu i bashkisë, Qazim Sejdini. Më pas, drejtori i Policisë ka shpërndarë dhurata në ushqime si dhe në vlerë monetare për familjet e të rënëve të Policisë.

Në qarkun e Elbasanit kanë rënë në krye të detyrës Kristaq Begu, me detyrën e agjentit të policisë kriminale, i cili në përpjekje për të kapur nje kriminel, është vrarë në vitn 2007; Florenc Balla, me detyrën e agjentit të policisë kriminale, i vrarë në vitin 2003 tashmë i shpallur dëshmor; Ismail Zika ish efektiv në Komisariatin e Policisë Librazhd, u plagos në datë 20.04.1997 dhe ka vdekur disa ditë më vonë; Vladimir Cala, ish efektiv i Komisariatit të Policisë Gramsh vrarë bashkë me bashkëshorten e tij në korrik të vitit 2007; Oltion Sulovari, civil, vrarë duke ndihmuar organet e policisë së shtetit, Dëshmor i Atdheut dhe polici Zabit Caka, i vrarë në përpjekje për të ndaluar vjedhjen e transformatorit në një fshat të Peqinit.
Na ndiqni dhe në Facebook dhe Twitter

HermesNews-©2013

Dërgo me email | Stampo artikullin