21/12/2013 13:16:03

KPK 'grate dhe femijet te lire'

Te ngujuarit te lire per festat e fundvitit

TIRANE- Festat e fundvitit do të kenë një arsye më shumë për tu festuar nga fëmijët e ngujuar. Komiteti i Pajtimit mbarëkombëatrë, ka realizuar një marrëveshje me të gjitha familjet në hasmëri, që gjatë krishtlindjeve dhe Vitit të ri të mos ketë asnjë fëmijë dhe grua të ngujuar.

Komiteti i Pajtimit Mbarëkombëtar kërkon bashkëpunimin e të gjithë faktorëve për rritjen e përgjegjësisë qytetare, përhapjen e kulturës së ligjit, aplikimin e traditës pozitive të vendimarrjes në komunitet dhe bashkëpunimin qytetar-shtet kundër krimit. Në përpjekjet për përmirësimin e gjendjes, Ministria e Arsimit ka regjistruar 109 fëmijë të ngujuar për tu trajtuar me mësues shëtitës ose nëpërmjet “mësimit online”.

Ndërkohë përmes një deklarate për mediat, Komiteti i Pajtimit Mbarëkombëtar bën me dije se ka intensifikuar ekspeditat e saj në të gjithë vendin. Prej shtatorit, komiteti ka rivendosur lidhjet dhe ka krijuar një bashkëpunim të afrët me strukturat e policisë dhe pushtetin vendor. “Jemi të bindur se në saj të këtij bashkëpunimi do të kemi rezultate shumëpozitive në vitet që vijnë. Shpersojmë se që në 2015, që përkon dhe me 800 vjetorin e lulëzimit të shtetit të arbrit, të mos kemi më jo vetëm fëmijë e gra të ngujuara, por as edhe një familje”, tha Gjin Marku, kryetar i Komitetit të Pajtimit Mbarëkombëtar.

Nga ana e tij Marku, u ndal dhe tek emigrimi i familjeve në hasmëri. “Falenderojmë të gjithë vendet perëndimore që po japin kontribut në dhënien e azilit të familjeve që emigrojnë për shkak të gjakmarrjes. Komiteti po bashkëpunon prej 15 vitesh me sukses me zyrat e emigracionit në vendet perëndimore”, tha ai. Si pasojë e marrëveshjes në fund të nëntorit, numri i fëmijëve të ngujuar është në ulje.
Na ndiqni dhe në Facebook dhe Twitter

HermesNews-©2013

Dërgo me email | Stampo artikullin