21/12/2013 11:45:12

Kolegët kujtojnë efektivat e vrarë në detyrë: dhurata për fëmijët

Drejtoria e policisë organizon mbrëmje fetive në Teatrin ''Migjeni''

SHKODER - Program festiv me rastin e festave të fundvitit, për familjet dhe fëmijët e punonjëve të policisë të rënë në krye apo për shkak të detyrës (foto).

Me rastin e festave të fundvitit, Drejtoria e Policisë Qarkut Shkodër, organizoi në Teatrin "Migjeni" të qytetit Shkodër një aktivitet argëtues

Në këtë aktivitet përveç familjarëve dhe të afërmeve të punonjësve merrnin pjesë dhe Prefekti i Qarkut Shkodër Paulin Radovani, Kryetari i Këshilli të Qarkut Shkodër Maxhid Cungu, deputeti i Qarkut Shkodër zoti Namik Kopliku e drejtues të tjerë të institucioneve lokalë të Qarkut Shkodër.

Fjalën e përshëndetjes e mbajti Drejtori i Policisë Qarkut Drejtues Shaban Nexhi, i cili tha se ky aktivitet modest, "që ne po organizjmë për familjet e punonjësve të rënë në krye apo për shkak të detyrës, është shumë pak me atë që bijtë, prindërit apo vëllëzërit tuaj kanë dhënë, për sigurimin e rendit dhe qetesisë publike për qytetarët, duke sakrifikuar edhe jeten për këtë qëllim. Prandaj ju duhet të jeni krenar për bijtë tuaj të cilët gjithmonë do të nderohen dhe përkujtohen nga ana jonë".

Në emër të familjarëve të punonjësve të policisë të rënë në krye të detyrës përshendëti babai i policit Nikollë Mhilli, i cili falenderoi Drejtorinë e Policisë Qarkut Shkodër dhe organet e pushtetit vendor, për këtë takim.

Më të bukur e bënë këtë takim fëmijët e Qendrës Kulturore të Fëmijëvë Shkodër dhe aktorët e njohur të humorit të Estradës së qytetit Shkodër, të cilët me këngë, parodite dhe numra artistikë, gëzuan më shumë në këto ditë të prag festave fëmijët dhe familjarët e punonjësve të policisë të rënë në krye të detyrës. Na ndiqni dhe në Facebook dhe Twitter

Komunikatë për shtyp

Dërgo me email | Stampo artikullin