20/12/2013 20:01:32

Korrupsion dhe shpërdorim fondesh: arrestohet kryebashkiaku i Kamzës

Mziu akuzohet se ka kryer favorizim në një tender. Në pranga dhe bashkëshortja, e cila punonte me një rrjet hajdutësh për shitjen e objekteve me vlerë

KAMZE - Kreu i bashkisë Kamëz, Xhelal Mziu është arrestuar mbremjen e sotme nga Komisariti i Policisë Kamëz. Sipas burimeve, te Policise, Mziu është arrestuar me urdhër të Prokurorisë së Përgjithshme, për pabarazi në tendera. Ai u arrestua bashkë me dy zyrtarë të tjerë të kesaj Bashkie.

Kreu i Bashkisë Kamëz, Xhelal Mziu është vënë në pranga me akuzën e korrupsionit. Mziu është arrestuar pasi akuzohet se ka shpërdoruar fondet publike në një tender.

Mziu akuzohet se ka kryer favorizim në një tender. Në aferën për të cilën akuzohet, Mziu janë të përfshirë edhe disa persona të tjerë.

46-vjeçari u zgjodh në krye të degës së PD-së Kamzë në vitin 2005 dhe anëtar i Këshillit Kombëtar të PDSH-së. Ndërsa në vitin 2007, ai u zgjodh kryetar i Bashkisë Kamëz.

Pak muaj më parë, Mziu u përfol se ishte ofruar për të ndryshuar kah politik. Pas humbjes së zgjedhjeve parlamentare nga PD-ja, ai tentoi të “strehohej” të LSI-ja.

Akuza/ Arrestimi i Mziut ka lidhje me tenderin e një rrugë dytësore në Valias. Pas arrestimit nga Policia e Tiranës, Gjykata e Shkallës së Parë me kërkesë të Prokurorisë së Tiranës ka dhënë masën “arrest me burg” bashkë me Drejtori Juridik i Bashkisë Kamzëm, Atli Hoti.

Prokuroria ka kërkuar arrestin me burg për Mziun dhe Hotin, pasi ka dyshime se kanë kryer veprime të kundërligjshme në rastin e prokurimit të tenderit të rrugës Valias i Ri-Laknas.

Hetimet për Mziun nisën pas kallëzimit të një firmë, e cila kishte fituar tenderin për ndërtimin e kësaj rruge, por që u skualifikua nga Komisioni i Prokurimit të Bashkisë Kamzë.

Arrestohet dhe bashkëshortja e Mziut/ Edhe bashkëshortja e kreut të Bashkisë Kamzës, Vjollca Mziu, është arrestuar në të njëjtën kohë me Xhelal Mziun.

Vjollca Mziu akuzohet se, si bashkëpunëtore e një rrjeti grabitjesh dhe shitjes së bizhuterive dhe sendeve me vlerë.

Bashkëshortja e Mziut bashkëpunonte me një rrjet prej 8 grabitësish të bizhuterive, të cilët sendet e vjedhura në dyqane apo banesa të qytetarëve i çonin për t’i shitur në dyqanin e saj.
Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin