19/12/2013 09:30:08

- 3 gradë, mjegull dhe ngrica në verilindje

Shtohet radhët e policisë rrugore nëpër akset rrugore që të çojnë në austostradën e kombit

KUKES - Mjegulla e dendur vazhdon të mbajë mbuluar zonën verilindore të vendit. Vetëm nga mesdita deri në mbrëmje ajo largohet për t’u rikthyer sërish në orët e mbrëmjes.

Sipas specialistëve të stacionit rajonal meteorologjik, "në orët e mëngjesit temperatura e ajrit arrin në minus 3 gradë Celsius, ndërsa në mesditë, kur mjegulla zë e largohet, temperatura ajrit arrin në 7 gradë Celsius".

Mjegulla e dendur ka vështirësuar ndjeshëm lëvizjen normale të mjeteve në akset rrugore. Gjithsesi, situata është nën kontroll, ndërsa janë shtuar postoblloqet e policisë rrugore në akset kryesore rrugore, veçanërisht në autostradën e kombit.

"Në kushtet e mjegullës u kemi kërkuar drejtuesve të mjeteve të lëvizin me drita të ndezura dhe me shpejtësi të vogël", - pohon specialisti i Drejtorisë së Policisë të qarkut të Kukësit Ylber Selaj. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin