17/12/2013 19:49:13

Ministria, presim raportin e dytë

Fyle flet për një ''perspektivë të qartë të statusit të kandidatit në Qershor''. Demokratët, ''Edi Rama është tashmë i pabesueshëm''

TIRANË - Komisioneri për Zgjerim në BE, Stefan Fyle, nëpërmjet rrjetit social Twitter, bëri të ditur mbrëmjen e sotme se, statusi i Shqipërisë është shtyrë për në qershorin e ardhshëm.

Sipas tij, në mbledhjen e ministrave të Jashtëm të BE-së, u vu theksi në intensifikimin e përpjekjeve të qeverisë së re, ndërkohë që flet për një “perspektivë të qartë të statusit të kandidatit në qershor”.

"Këshilli shprehet se do të shqyrtojë statusin e Shqipërisë duke u bazuar mbi raportin e radhës që do të prezantohet nga Komisioni Europian", shkruan ne nje komunikate Ministri e Integrimit e cila falenderon qytetarët shqiptarë për mbështetjen.

Ndryshe ka qenë reagimi i demokratëve. "Edi Rama është tashmë i pabesueshëm edhe për Brukselin", shkruan selia blu në një komunikatë për shtyp. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin