16/12/2013 12:19:45

Statusi i Shqipërisë nesër, Mandela dhe kafshët politike

Nga Flutura Açka

HermesNews - Duke rilexuar "No time like the present" (S'ka si e tashmja) e Nobelistes afrikanojugore Nadine Gordimer për të kuptuar ç'ndodh me vendin që kalon nga robëria e gjatë të liria e shqyer, për të hyrë në pengjet që Mandela mbase mori me vete dje, mbase edhe mbi Statusin e atdheut për të cilin sakrifikoi burgjeve 27 vite të jetës së tij.

Dje, funerali pseudomadhështor ishte vetëm fasada e intrigave pas tij, refuzimi i përshëndetjes së të bijave në emër të traditës (dinë të flasin gratë?!), konflikti me të nipin (i cili donte të akaparonte varrin e Mandeles për peligrinazhet e ardhshme turistike), mungesa e Tutusë dhe Klerkut, ngjyresa mbarëbotërore e funeralit për përfitime politike në zgjedhjet elektorale vitin a ardhshëm nga ANC dhe presidenti tejet i korruptuar Jacob Zuma, zgjimi i një racizmi të ri tani ndaj të bardhëve, SIDA që bën kërdinë mes milionave nëpër townships, të gjitha këto janë më të frikshme se leopardët, luanët dhe tigrat që enden maleve dhe që kërcënojnë fermat kudo.

Ato, kafshët grabitqare më të frikshme të planetit, janë më pak kërcënuese se kafshët politike të serës së Zumës, Mbekit dhe Ramafozes për afrikanët.Njëlloj, mu njëlloj, edhe Shqipëria rrezikon Statusin e saj për Kandidat nesër prek kafshëve të saj politike që e grabitën dhe e kafshuan 23 vite Shqipërinë dhe e bënë atë më të vogël nga ç'është në të vërtetë.

Dhe nesër, në vend që t'i kërkojmë llogari Europës për copëtimin që na bëri 100 vjet më parë, do të na kërkojë llogari se përse nuk ditëm të ndërtojmë kafazë për kafshët tona politike, që na përfaqësojnë dhe na japin padrejtësisht identitet edhe neve... Na ndiqni dhe në Facebook dhe Twitter

facebook

Dërgo me email | Stampo artikullin