16/12/2013 09:29:41

Vendimi i Kinës që krijon probleme ndërkombëtare

Të shtunën gjatë një mbledhjeje në Tokio, Japonia dhe 10 vendet e Shoqatës së Vendeve të Azisë Juglindore (ASEAN), bënë thirrje për liri në qarkullimin ajror

TOKIO - Japonia i ka bërë sot thirrje Kinës që të jetë "realiste" dhe të pranojë faktin se zona ajrore e identifikimit që ajo ka vendosur në Detin e Kinës Lindore është një preokupim ndërkombëtar dhe jo vetëm i Japonisë.

"Mendojmë se Kina duhet të shohë realitetin dhe të pranojë se ky vendim ka preokupuar shumë vende", deklaroi sekretari i përgjithshëm i qeverisë, Yoshihide Suga, vendim ky i marrë nga Pekini në nëntor.

Të shtunën gjatë një mbledhjeje në Tokio, Japonia dhe 10 vendet e Shoqatës së Vendeve të Azisë Juglindore (ASEAN), bënë thirrje për liri në qarkullimin ajror, ku nuk ishte përmendur Kina, edhe pse kuptimi i kësaj thirrjeje ishte i qartë.

Ndërsa kryeministri japonez, Shinzo Abe u tregua më i drejtpërdrejtë duke deklaruar se "jemi të gatshëm që të bashkpunojmë për të garantuar lirinë e fluturimit dhe sigurisë të aviacionit civil, nën respektimin e parimeve që të gjithë kanë pranuar të ligjeve ndërkombëtare".

Kina nuk vonoi të replikojë duke deklaruar "pakënaqësinë e saj të fortë kundrejt liderëve japonezë të cilët përfitojnë nga një mbledhje ndërkombëtare për të bërë deklarata shpifëse mbi Kinën''. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin