15/12/2013 11:26:58

Modelet mbi të 70-at

Bukuria dhe rinia jo gjithmonë janë sinonime

HermesNews - Ndodh që habitemi me top modelet dyzet vjeçare si Kate Moss apo Cindy Crawford, por mos harroni se ka edhe modele mbi të 70-at.

Sara Wiley, per shembull, 66- vjeçare është një ndër protagonistet e revistës Stella Magazine. Përsa i përket look-ut të saj, ajo tregon se parapelqen një make up të përshatshëm për moshën e saj, si për shembull jo buzëkuq, jo eyeliner apo phard të theksuar, etj.

Wiley u zbulua nga një agjent reklamash në moshën 57 vjeçare pasi e pa në një foto me nipërit e saj. Por ajo nuk është një rast i rrallë dhe i vetëm.
“Jemi një grup i gjerë modelesh të moshës së thyer”- tregon ajo.

Në këtë grup bën pjesë edhe Daphne Selfe, 85 vjeçe, e cila ka qenë protagonistja e TK Maxx për 2013-ën. Pastaj është 81 vjeçarja Jenni Rhodes, fotomodele e firmës së njohur Zara. Ndërsa nga veteranet e sfilatave kemi ende Carmen dell’Orefice, e cila nga mosha 15 vjeçare nuk reshti kurrë së fotografuari dhe sfiluari.

Eshtë e rëndësishme edhe për gratë e tjera që të kenë shembuj frymëzimi të tjetërllojshme nga modelet e zakonshme adoleshente dhe anoreksike që shpesh herë, dashur padashur ndëshim ne ekran apo revista.

Modele me flokë të zbardhura, trupa më të maturuar, por jo për këtë më pak të përshtatshëm për sfilata apo shoot-e fotografike. Bukuria dhe rinia jo gjithmonë janë sinonime. Na ndiqni dhe në Facebook dhe Twitter

Daniela Vathi

Dërgo me email | Stampo artikullin