13/12/2013 16:24:15

Itali. Arrestohen mbi 30 persona

Konfiskohen mbi 5 milion Euro

ITALI- Policia italiane njoftoi se kishte arrestuar mbi 30 persona, ndërmjet të cilëve edhe të afërm të kreut të Cosa Nostra, mafias siçiliane, Matteo Messina Denaro, si edhe kishte konfiskuar të mira materiale me një vlerë mbi pesë milionë euro.''Motra e bosit, Patrizia, gjithashtu edhe kushëriri Francesco Guttadauro bashkë me nipin e tij Mario Matteo janë arrestuar në kuadrin e këtij operacioni i cili ka prekur provincën e Trapanit (në perëndim të Sicilisë)'', sipas një deklarate për shtyp të komandantit të policisë, duke shprehur gëzim për këtë goditje të fortë që iu bë organizatës së drejtuar nga Messina Denaro, i cili ishte kryetar i saj prej disa vitesh.

Organizatat që u shkatërruan nga ky operacion përfshinin edhe tre kushërinj të tjerë të bosit (Giovanni Filardo, Lorenzo Cimarosa, Mario Messina Denaro), të cilët kishin ngritur një rrjet ndërmarrjesh duke i garantuar bosit monopol në sektorin e ndërtimit në atë zonë.

Forcat e rendit kanë vënë nën sekuestrim një varg të tërë ndërmarrjesh imobiliare të lidhura me Messina Denaron nëpërmjet emrash fals, me një vlerë që arrin mbi pesë milionë Euro.
Na ndiqni dhe në Facebook dhe Twitter

HermesNews-©2013

Dërgo me email | Stampo artikullin