12/12/2013 16:32:27

Debate ne Kuvend per Statusin

Maxhorance-Opozite, perplasje per Statusin Kandidat te vendit

TIRANE - Kuvendi u përfshi nga debatet maxhorancë-opozitë për çështjen e statusit të vendit kandidat. Deputeti i Partisë Demokratike, Sali Berisha, ish-kryeministër akuzoi qeverinë për veprime antiligjore, duke iu referuar "shkarkimeve të paligjshme në administratë", dhe që sipas tij, janë shkak që një grup vendesh europiane të shprehen të pavendosura për statusin e Shqipërisë në BE. "Partnerët na thonë se kryeministri nuk i zbaton ligjet, po rrënon administratën dhe ngarkesat e drogës drejt Italisë e Greqisë janë rritur katër herë. Nuk e di si do të shkojë çështja e statusit, por në këto vendime problemi më kryesor është administrata. Po bëni gabim, duke kënaqur disa grupe aktivistësh dhe po dënoni me status të gjithë shqiptarët", iu drejtua ish-kryeministri deputetëve të majtë.

Në reagimin e tij, kryetari i Kuvendit, Ilir Meta, falenderoi ish-kryeministrin dhe Partinë Demokratike për konsensusin dhe angazhimin në çështjen e statusit, ndërsa theksoi se vlerësimi ndërkombëtar për të është pozitiv. "Vlerësimi nuk është ai që ju thonë juve përfaqësuesit e ndryshëm, pasi vlerësimi është pozitiv për të dyja palët, si për maxhorancën dhe për opozitën, po ashtu dhe për zgjedhjet, si për ato që janë bërë në të kaluarën dhe për ato që do të bëhen në të ardhmen", iu përgjigj kryetari i Kuvendit, ish-kryeministrit Berisha sot në Kuvend. Na ndiqni dhe në Facebook dhe Twitter

HermesNews-©2013

Dërgo me email | Stampo artikullin