10/12/2013 14:26:58

Siri, asgjësimi i armëve kimike do të bëhet në det vitin tjetër

Kreu i OIAC, shton se shkatërrimi i agjentëve të tjerë kimikë të kategorisë së dytë, fillon gjatë muajit shkurt

OSLO - Kreu i Organizatës për Ndalimin e Armëve Kimike (OIAC), Ahmet Uzumçu, shprehu sot besimin se ''procesi për shkatërrimin e arsenalit kimik sirian të fillonte në janar të vitit të ardhshëm''.

"Shpresojmë se duke filluar nga sot dhe deri në fund të janarit, shkatërrimi i armëve kimike të mund të ketë filluar në anijen amerikane platformë që është e pajisur me mjetet e duhura për kryerjen e kësaj proçedure'', deklaroi Uzumçu, gjatë një takimi në Oslo, disa minuta përpara fillimit të ceremonisë së dorëzimit të çmimit ''Nobel'' për Paqen 2013, që këtë vit i është dhënë organizatës së kryesuar prej tij.

Sipas planit të OIAC, agjentët kimikë më të rrezikshëm të arsenalit sirian duhet të transportohen jashtë Sirisë përpara datës 31 dhjetor, që më pas të shpërbëhen me teknikën e hidrolizës në anijen e Marinës amerikane, e cila është e pajisur me impiantet e duhura për kryerjen e këtij operacioni.

"Shumë faktorë varen nga gjendja e sigurisë në terren dhe fatkeqësisht, siguria është përkeqësuar javët e fundit", sqaroi ai. "Shpresojë që kushtet të na mundësojnë nisjen e këtij operacioni në kohë, ndonëse mund të ketë ndonjë vonesë, që nuk do të përbënte aspak shqetësim, por çka është me të vërtetë me rëndësi, është që ky operacion të kryhet në mënyrën më të sigurt të mundshme", theksoi Uzumçu.

Kreu i OIAC-ës gjithashtu shtoi se shkatërrimi i agjentëve të tjerë kimikë të kategorisë së dytë, më pak të rrezikshëm, duhet të fillonte "gjatë muajit shkurt", opracione që do mund të merren përsipër të kryhen nga kompani private.

''Rreth dyzetë e dy shoqëri kanë shfaqeur interes të marrin pjesë në proces'', saktësoi kreu i OIAC. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin