10/12/2013 09:00:57

3.3 milione persona në Greqi nuk kanë sigurime shëndetësore

Tre milionë persona, pa llogaritur ata pa dokumente të rregullta, nuk mund të përdorin qendrat dhe spitalet publike

ATHINË - Organizata ''Mjekët e Botës'' shprehu shqetësimin dje për situatën e personave pa sigurime shoqërore në Greqi, të cilën ajo e vlerëson në masën 27,7 për qind të popullsisë, ose më tepër se 3 milionë persona, me pasoja të veçanta tek fëmijët dhe gratë shtatzëna.

"Jemi shumë të shqetësuar për numrin e njerëzve të cilët janë të privuar nga sigurimet shoqërore në Greqi për shkak të rritjes shumë të madhe të papunësisë dhe të recesionit, gjë që ka "pasoja të rënda kryesisht në shëndetin e fëmijëve dhe të grave shtatzëna", bëri të ditur Anna Maili, drejtoreshë e seksionit grek të ''Mjekëve të Botës'' (MdM) gjatë një konference shtypi.

Sipas të dhënave të shërimit shëndetësor publik, "tre milionë persona, pa llogaritur ata pa dokumente të rregullta, nuk mund të përdorin qendrat dhe spitalet publike", bëri të ditur Maili.

Ajo theksoi se "vaksinimi i fëmijëve ishte i pamjaftueshëm ose nuk ishte kryer fare" në familjet pa sigurime shoqërore. "Ndeshim çdo ditë fëmijë të moshave dy ose tre vjeç që nuk janë vaksinuar" dhe gjatë nëntë muajve të fundit, MdM vizitoi "10 633 fëmijë gjysma e të cilëve duhet të vaksinoheshin", vazhdoi ajo.

Sipas MdM-së, pa sigurime shoqërore, kostoja e vaksinimit të një fëmije deri në moshën gjashtë vjeç arrin në rreth 1 800 euro. Për shkak të shkurtimeve në sektorin publik dhe në shërbimet shëndetësore, "nuk është parashikuar asnjë ndihmë për fëmijët dhe familjet pa sigurime shoqërore, si rrjedhojë gratë e pa siguruara duhet të paguajnë për analiza dhe për lindje", vëren Maili. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin