09/12/2013 15:09:53

Në diskutime me FMN-në për programin e ri

Pjesë e madhe e borxhit nga pushteti vendor

TIRANE - Kryeminsitri Edi Rama tha të hënën në konferencën për prezantimi e draftit të parë të strategjisë kombëtare kundër korrupsionit se jemi në dikutime me FMN dhe Bankën Botërore për programin e ri që patjeter që Shqipëria duhet të hapë me FMN në kushtet kur ekonomia jonë është në rrezikun e humbjes së gjithë ekuilibrave të vet dhe në kushtet kur situata jonë financiare imponon një disipilinë të re fiskale.

"Dihet se një nga problemet tona organike e strukturore është borxhi , borxhi i cili është rritur shumë në vitet e fundit , i cili në një pjesë të tij është një borxh që qeveria ka akumuluar në kurriz të qyetetarëve, duke mos paguar shërbimet e kontraktuara", tha Rama.

Një pjesë e madhe e borxhit, informoi ai, vjen nga borxhet e pushtetit vendor. "Një territor i organizuar siç është realizuar territori i Shqipërisë ku pothuaj gjysma e tyre nuk prodhojnë asnjë të ardhur vetë, nuk mund të mos jetë një territor pjellor edhe për korrupsionin", tha Rama.

Këtij borxhi, vijoi Kryeministri, ne duhet t'i përgjigjemi me një reformë të thellë administrative dhe territoriale, duke mos lejuar që një numër kaq i madh njësish të marrin një numër të konsiderueshëm parash dhe të mos kthejnë mbrapsht asgjë por të bëhen burime që gjenerojne korrupsion. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin