Aksion per tregjet informale te ushqimeve

LUSHNJE- - Drejtoria e Përgjithshme e Autoritetit Kombëtar të Ushqimit, në bashkëpunim me Drejtorinë Rajonale të AKU-së Fier, bashkinë e Lushnjës, Drejtorinë Tatimore dhe Policinë e Shtetit, kanë zhvilluar sot një kontroll sensibilizues në të gjitha tregjet e qytetit. "Qëllimi i këtij kontrolli ishte sensibilizimi i tregtarëve për të tregtuar në ambiente ku garantohen standardet higjieno-sanitare dhe ruhen vlerat e cilësitë e produkteve ushqimore", tha Drejtori i AKU-së Fier, Frederik Çuko.

Sipas tij, aksioni synon stabilizimin e tregut të produkteve ushqimore, që tregtohen në vende të papërshtatshme siç janë trotuaret dhe ambientet publike. "Aksioni sot kishte më shumë qëllim ndërgjegjësues, duke përcjellë mesazhin se institucionet shtetërore nuk do të lejojnë tregtimin e mallrave ushqimore pa standarde, jashtë kushteve higjieno-sanitare, të cilët rrezikojnë shëndetin e konsumatorëve", tha Çuko.Aksioni do të shtrihet në një hapësirë kohore të palimituar, deri në eliminimin e plotë të kësaj dukurie.
Na ndiqni dhe në Facebook dhe Twitter

HermesNews-©2013

Dërgo me email | Stampo artikullin