03/12/2013 15:43:08

Një urë italo-shqiptare

Intervistë me Rektorin e Universiteti Katolik Zoja e Këshillit të Mirë në Tiranë, Prof .Paolo Ruatti

TIRANE - Prof .Paolo Ruatti, mban këtë detyrë që nga viti 2006, pasi zëvendësoi Prof. Cesare Romiti. Universitet privat Shqiptar në të cilin studiojnë mbi 400 të rinj italian dhe japin mësim rreth 100 profesorë po nga Italian. Prof Paolo Ruatti ka lindur në vitin 1940 në Terzolas ( Provinca Autonome e Trentos ) dhe është pjese e Asamblesë të Bijve të Panjollosur, në të cilin ai ishte Famullitar i përgjithshëm për dymbëdhjetë vjet. Pas marrjes së një arsimi klasik në shkollën e mesme " Ennio Quirino Visconti" ne Romë, në të njëjtin qytet ai përfundoi studimet në mjekësi dhe kirurgji në Universitetin Katolik të Zemrës. Aty ai ka marrë gjithashtu dhe një specializim në Dermosifilopatica Klinike, në onkologji dhe Higjiena dhe Mjekësia parandaluese. Prof Paolo Ruatti ka kryer aktivitetet e tij profesional në spitalet e Kongregacionit duke shfaqur interes në onkologji dhe dermatologjike, me fokus të veçantë mbi melanomas. Ka qene drejtues i Institutit Dermatologjisë ( IDI - IRCCS ) për 25 vjet.

Artur Nura: Dr. Ruati duke ju falënderuar qe pranuat ftesën, mendoj se me siguri duhet të fillojmë duke bërë një histori të performancës së Universitetit Katolik, të cilën unë personalisht e konsideroj një investim shumë të mirë në Shqipëri, ndërsa duhet shtuar se tani kemi edhe universitete të tjera private dhe se, gjithashtu universiteti juaj sigurisht I kontribuon edhe marrëdhënieve të shkëlqyera Italo - shqiptare ...

Paolo Ruatti: Në vitin 1993, pas rënies së regjimit komunist dhe apelit të Papa Gjon Pali II që ti jepej në dispozicion një territor për prani në Shqipëri, Kongregacioni fetar i Bijve të Papërlyer, themeluar nga i Lumi Luigi Monti, krijoi në vendin e shqiponjave një Fondacion, i cili mori emrin e vet nga faltoret e famshme të Shkodrës kushtuar Zojës së Këshillit të Mirë, nënës së Krishtit. Aktiviteti i parë është nisur prej tij me Klinikën hapur në qendër të kryeqytetit, e cila e bën rreth 40 mijë shërbime shëndetësore në vit.

Nënë Tereza e Kalkutës, me origjinë shqiptare, kish kërkuar nga qeveria në Tiranë mundësinë për të ndërtuar një spital, projekt ky që më vonë u morr përsipër nga Fondacioni edhe në sajë të traditës me shëndetësinë që Kongregacioni ka sigurisht. Në vitin 1995 ai filloi ndërtimin, u pezullua disa herë prej ngjarjeve të ndryshme, që nga trazirat e vitit 1997 pas rrëzimit të piramidave financiare, luftës në Kosovë, ku në Shqipëri, me eksodin e qindra mijëra refugjatë shqiptarë për një vit të vështirë, Fondacioni menaxhoi edhe një kamp refugjatësh.

Në vitin 2004, Fondacioni i dha jetë Universitetit Zoja e Këshillit të Mirë, siç kërkohej nga projekti origjinal, i cili sot është bërë një pikë e rëndësishme referimi dhe trajnimi për të gjithë vëndin. Me zhvillimin e iniciativave të ndryshme bashkëpunuam me Motrat e Mëshirës së Veronas që nga fillimi prezent në Tiranë, Motrat e Bamirësisë që kanë selinë në Elbasan e për vite kanë realizuar kurse të trajnimit për infermieret. Ndër mbështetësit e këtij projekti të madh është për t'u theksuar është edhe Kisha Katolike Italiane, dhe midis të tjerësh, edhe shoqata "Pro Ballkanit" dhe Shoqata "Dokita" dhe Kongregacioni sigurisht.

Në nivel shkencor, Fondacioni mbështetet nga strukturat e rëndësishme të përfshira në kujdesin shëndetësor, hulumtim dhe trajnim : IDI , Elea , Nerviano e Shkencave Mjekësore , IDI FARMACEUTICI, pra kjo është historia e këtij projekti tonin thënë në mënyrë telegrafike...

A.N. Pra, duke u kthyer tek dimensioni i universitetit, Dr. Ruatti studentët që fitojnë të drejtën e studimit tek ju, fitojnë të drejta të njëjta në një universitet italian, si nga një universitet italian?

Paolo Ruatti : Pikërisht, universiteti ynë ka zgjedhur të japë diploma të barazvlefshme në Shqipëri, në Itali dhe Europë. Universiteti ynë është themeluar sipas ligji shqiptar, por ai donte për t'u bashkuar, konvenzionuar me universitetet italiane, kjo edhe që tu japë shqiptarëve, studentëve shqiptarë diploma që kanë vlerë të njëjtë në Itali dhe në Evropë. Prandaj, titulli i diplomave që ne japim ka të njëjtën vlere në Itali dhe në Europë.

Mund të them se shumë studentë tanët të diplomuar në Tiranë, shkojnë në Itali dhe kryejnë provimet shtetërore dhe pasi marrin ato, fitojnë të drejtën të ushtrojnë profesionin nëpër Evropë. Shumë prej studentëve tanë të diplomuar ndalojnë në Itali për një numër të specialiteteve dhe ka nga ata/ato që shkojnë edhe në Gjermani ku janë shumë në kërkuar. Lajmet që unë marr janë se këta njerëz të vendosur atje janë integruar shumë mirë profesionalisht, siç ju shqiptarët dini të përshtateni shumë mirë dhe ata, janë shumë vlerësuar atje.

A.N. Dmth, kualifikimi i marrë në këtë universitet lejon qasje normale në shkollat e specializimit në të gjitha universitetet Italiane pas konkursit?

Paolo Ruatti : Sigurisht, sepse siç thashë, titulli i diplomës që arrijnë këtu u njihet atje. Pse u njihet? Sepse ne kemi realizuar marrëveshje me universitetin italiane që do të thotë se për të kryer universitetin tonë ju studioni programe, kurrikula të njëjta si në universitetet partnere italiane. Për më tepër, ne kemi në shumicë profesorë italianë. Nga Italia për të dhënë mësim në programet tona universitare mbërrijnë rreth pesëqind profesorë dhe përveç kësaj, ne kemi edhe dhjetëra profesorë shqiptarë. Kjo për shkak se, profesorët italiane na sigurojnë që kursi i studimit të jetë i saktë, që është konsistent dhe konform mënyrës që studentët tanë të mund të vazhdojnë me kredite të Tiranës të njëjta si me ato të Romës dhe në Evropës. Këta profesorë na japin garanci për një mësimdhënie të kualitetit të lartë dhe me standarde italiane dhe evropiane.

A.N. Rektori i nderuar, si është organizuar universiteti në pikëpamje administrative, financiare dhe didaktike?

Paolo Ruatti : Mua si rektor më takon parimisht dhe në fakt, të flas për anën didaktike. Universiteti Katolik i Zojës së Këshillit të Mirë ka një Komitet të Përbashkët Teknik dhe paralel me Komitetet e Përbashkëta teknike të Universiteteve të tjera Italiane. Ata së bashku bëjnë plane studimore, identifikojnë Docentët që mund të vijnë për të mësuar studentet tanë. Dhe unë duhet të them, Docentët tanë të cilët vijnë për të dhëne leksione nga Italia, por edhe Shqipëria, janë ose profesorë, ose studiues, apo profesorë të asociuar titullar katedrash dhe të përzgjedhur mirë ...

A.N. I nderuar rektori, duke e parë perspektivën shumë të mirë të universitetit tuaj, të paktën sipas mendimit tim, cilat janë planet e ardhshme për universitetin dhe spitalin universitar brenda tij? A mendoni se do të jetë ai, spitali një nxitje për të rritur prestigjin e këtij universiteti ?

Paolo Ruatti : Spitali është duke pritur për financimin e duhur që të përfundojë. Universiteti tashmë është duke ju përgjigjur me përpikmëri ligjeve shqiptare që imponojnë standarde të duhura dhe thonë se çfarë dhe si duhet përgatitur për ti zbatuar ato dhe se çfarë kërkohet për departamentet universitare. Dhe ne kemi krijuar gjatë viteve, duke filluar nga shkalla e thjeshtë tre-vjeçare e diplomimit, gjithashtu kemi ndërtuar një numër diplomimi magjistral dhe, për shembull presim për vitin e ardhshëm të ketë kurse diplomimi universitar në arkitekturë dhe inxhinieri.

Ne jemi të vendosur te realizojmë doktoraturë kërkimi shkencor në Tiranë. Kjo edhe sepse te diplomuarve tanë u njihet lehtësisht kjo diplomë në Itali. Kjo sepse diploma jone ka lehtësira për te realizuar doktoraturën ne Itali e kështu, me radhë janë të gjitha premisat e duhura që kjo të bëhet realitet në të mirë të të gjitha palëve.

A.N. Duke pasur parasysh, unë mendoj se ne kemi një projekt shumë të mirë që duhet të marrë komplimentet si nga ana shqiptare ashtu edhe italiane, mund të themi nga vjen financimi ?

Paolo Ruatti : Në thelb, ne vetë-financohemi me taksat që paguajnë studentët dhe ky është menaxhim i mirë-kuptueshëm. Kjo na lejon për të kryer programet qe kemi. Fondacioni që menaxhon universitetin në Shqipëri, synon të gjeje, të themi, të menaxhoje fonde nga pjesë të ndryshme të botës me standarde europiane. Universiteti deri më tani ne nuk ka marrë kurrë fonde publike. Shpresojmë në të ardhmen te jete ndryshe...

A.N. I nderuar rektor, duke parë se ky realitet shumë pozitiv që unë nuk shoh vetëm se si një qytetar i Shqipërisë, doja tu pyesja a keni menduar ndonjëherë për ta bërë universitetin më të njohur në Itali dhe të bënit një PR më dinamik ?

Paolo Ruatti : Ai është tashmë i njohur mirë ne Itali edhe për shkak se mediat kanë folur gjithmonë për të. Dhe, fjala nga goja ne gojë, sot le ta themi edhe prej internetit. Universiteti është i njohur mjaftueshmërisht ne Itali. Por, natyrisht ne duhet të punojmë shumë për të dhënë një pasqyrë më të saktë dhe për të shmangur keqkuptimet, apo mendime të gabuara dhe të bëjmë që raportimi të korrespondojë me realitetin.

A.N. l nderuar rektor atëherë pyetja e fundit. Në të gjitha universitetet italiane janë organizmat studentore që mbrojnë te drejtat e studentëve. Në këtë universitet ka një entitet te tillë?

Paolo Ruatti : Sigurisht që ne jemi të rinj dhe ne jemi vetëm te fillimi. Ne kemi këtu një përfaqësim të studentëve dhe jemi të mirë organizuar për një kohë kaq të shkurtër. Kohët e fundit edhe me një dekretin tim, kemi ngritur shoqatën e "Të diplomuarve” në Universitetin Katolik dhe që është në fazë rritje. Ky është një element shumë i rëndësishëm dhe është fjala për një shoqatë e “të diplomuarish” fakt që ndihmon sepse ata, ato kontribuojnë edhe përhapjen e emrit të mirë të Universitetit tonë...

A.N. Faleminderit për mirësinë tuaj i nderuar rektor Ruatti.

Paolo Ruatti : Faleminderit ju.

HermesNews - ©2013

Dërgo me email | Stampo artikullin