01/12/2013 15:28:46

Arrestohet përgjegjësi i burgut të Drenovës

Albert Tomorri ishte arrestuar 3 javë më parë nën akuzën e futjes së sendeve të palejuara në burg

KORÇË - Gjykata e Korçës dha të dielën masën e sigurisë “arrest në burg” për Albert Tomorrin, përgjegjës i grupit të gatshëm brenda burgut të sigurisë së lartë në Drenovë, ku një javë më parë u arratisën 7 të dënuar mes të dilëve edhe me burgim të përjetshëm. Tomorri ishte arrestuar 3 javë më parë nën akuzën e futjes së sendeve të palejuara në burg, konkretisht telefona celularë, ndërsa Gjykata pati vendosur atëherë 20 ditë burg. Sot u zhvillua seanca për rivlerësimin e masës së sigurisë dhe gjykata vendosi ta lerë në burg pa afat të pandehurin. Disa ditë më parë, Gjykata e Korçës dha masën e sigurisë “arrest në burg” për 19 gardianët e burgut të sigurisë së lartë të Drenovës, pasi akuzohen se kanë shkelur skemën së sigurisë dhe rregullores, gjë e cila favorizoi arratisjen e shtatë të dënuarve. Ndërkohë, është vendosur “Detyrim paraqitje”, edhe për Luljeta Dvorani dhe Suzana Sejdarasin, me detyrë operatore. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin