01/12/2013 09:59:04

Kroacia është gati të tërheqë paditë për krime luftë ndaj Serbisë

Ministrja kroate e Punëve të Jashtme, Vesna Pushiç tha se vendi i saj ishte ende i gatshëm të bisedonte me Serbinë për tërheqjen e padive të ndërsjella për gjenocid para Gjykatës Ndërkombëtare të Drejtësisë

ZAGREB - Ish-presidenti kroat, Stipe Mesiç deklaroi se tërheqja e padisë për gjenocid, që Kroacia ka bërë kundër Serbisë, nuk të çonte asgjëkundi. Deklarata vjen pasi ministrja kroate e Punëve të Jashtme, Vesna Pushiç tha se vendi i saj ishte ende i gatshëm të bisedonte me Serbinë për tërheqjen e padive të ndërsjella për gjenocid para Gjykatës Ndërkombëtare të Drejtësisë (GJND).

"Mendoj se varianti më i mirë, që do të çtensiononte marrëdhëniet mes dy vendeve, so të ishte gjykimi përfundimtar nga Gjykata Ndërkombëtare e Drejtësisë. Kjo duhet të zgjidhet me gjykim dhe pastaj mund të bisedohet. Megjithatë, para së gjithash, është e nevojshme të merret aktgjykimi", deklaroi Mesië për agjencinë turke të lajmeve ''Anadolli Azhans''.

Pushiç deklaroi dje se Kroacia është e gatshme të bisedojë me Serbinë për tërheqjen e padive, por vetëm nëse realizohet hapi dramatik në lidhje me zbulimin e fatit të të zhdukurve në luftë.

Debati kryesor para GJND-së në Hagë për padinë e Kroacisë dhe kundërpadinë serbe për gjenocid në Kroaci, është caktuar më 3 mars 2014.

HermesNews - ©2013

Dërgo me email | Stampo artikullin