30/11/2013 12:13:19

Mjegulla mbulon Gjirokastren

Në këto kushte, inpektoriati i policisë rrugore pranë Drejtorisë së Policisë së Qarkut të Gjirokastrës, ka dyfishuar numrin e postoblloqeve në rrugën kombëtare Kakavije-Fier

GJIROKASTËR - Një mjegull e dendur ka mbuluar prej 10 orësh qarkun e Gjirokastrës, duke vështirësuar ndjeshëm pamjen, veçanërisht për drejtuesit e automjeteve. Në këto kushte, inpektoriati i policisë rrugore pranë Drejtorisë së Policisë së Qarkut të Gjirokastrës, ka dyfishuar numrin e postoblloqeve në rrugën kombëtare Kakavije-Fier, me gjatësi rreth 150 kilometra, për të bërë të mundur lehtesimin e qarkullimit te mjeteve si dhe parandalimin e aksidenteve rrugore. Gentian Mullai, zëdhënësi i Drejtorisë së Policisë së Qarkut të Gjirokastrës, tha se aktualisht aksi më i veshtire per qarkullim paraqitet në segmentin Jorgocat-Qafa e Muzinës, rreth 10 kilometra dhe për këtë arsyje është ngritur enkas një postobllok në malin e Qafës së Muzinës për të detyruar drejtuesit e automjeteve të ulin shpejtësinë. “Fatmirësisht deri tani nuk është regjistruar asnjë aksident i rëndë rrugorë”, thotë Mulllai, duke nënvizuar se, tashmë mjegulla do të jetë e pranishme gjatë gjithë periudhës së dimrit. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin