30/11/2013 11:08:24

Arratiset nga burgu për shkuar tek dentisti

I dënuari 51 vjeçar ishte ankuar për dhimbje dhëmbësh tek zyrtarët e burgut katër ditë para arratisjes

STOKHOLM - Një i burgosur është arratisur nga një burg suedez për të realzuar një kontroll dentar para se ti ridorëzohej forcave të policisë, ku më pas u përball me zgjatjen e dënimit me një ditë. "I burgosuri ishte arratisur në fillim të nëntorit nga burgu i Oestragaardit, në jugperëndim të Suedisë, dy ditë para datës së përfundimit të dënimit të tij me burg, sepse kishte dhimbje dhëmbësh dhe donte të bënte një kontroll tek dentisti i tij personal", njoftuan burimet zyrtare të burgut. "Me të mbaruar vizitën mjekësore tek dentisti ai u dorëzua tek forcat e policisë", sipas të njëjtave burime. I dënuari 51 vjeçar ishte ankuar për dhimbje dhëmbësh tek zyrtarët e burgut katër ditë para arratisjes nga ndërtesa e cila nuk ndodhej nën masa strikte sigurie. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin