28/11/2013 18:43:17

Vendimi për të rritur kreditimin

Ulet me 0,25 për qind norma bazë e interesit për lekun

TIRANE - Banka Qendrore e Shqipërisë uli me 0,25 për qind normën bazë të interesit per lekun në përpjekje për të nxitur kreditimin më të madh të ekonomisë dhe për të kthyer konsumin në ritmet e mëparshme. Guvernatori i BSH-se, Ardian Fullani, u shpreh gjate konferences per shtyp, se me këtë ulje të re, norma bazë e interesit zbriti në 3,25 për qind, dhe se kjo masë u mor që edhe bankat e tjera të ulin interesat e kreditimit ndaj qytetarëve dhe bizneseve, në mënyrë që të nxitet ekonomia në tërësi.

Duke ulur normën bazë të interesit, Banka Qendrore synon që të stimulojë qarkullimin e parasë nga bankat. Por deri tani reagimi i bankave te nivelit te dyte, sa here jane bere ulje ose ngritje te normave te interesit nga Banka Qendrore, kane reflektuar ngadale.

Ardian Civici analist i politikave ekonomike vlerson se, ulja e normes baze te lekut kohët e fundit është reflektuar lehtë në disa lloje kredish, dhe vecanrisht ne borxhin e brendshm te qeverise, por jo ne rritjen e kreditimit te favorizuar nga interesa te ulta.

Sipas tij, kjo ndodh për arsye se, kreditë e këqija kanë arritur në rreth 25 për qind të totalit të kredisë së dhënë dhe ky është argumenti i parë pse bankat nuk po stimulojnë kredinë edhe pse Banka e Shqipërisë po aplikon politika lehtësuese. Së dyti, nenvizon Civici, kriza financiare është ende prezent dhe bankat nuk janë shumë të sigurta për pritshmëritë dhe kohe zgjatjen e saj.

Ndersa nje pjese e bizneseve kërkojnë kredi vetëm për të shlyer borxhe ose për të dhënë pagat dhe jo për investime të reja."Banka e Shqipërisë pas vitit 2008 ka aplikuar rregullore të ashpra ndaj bankave për dhënien e kredive, të cilat më pas kanë patur efekt shtrëngues në dhënien e tyre"-thote Civici duke shprehur bindjen per politika me agresive nga ana e BSH, ne drejtim te vendimarrjes se politikes monetare. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin