28/11/2013 16:32:08

Maratona zbret për festën e Pavarësisë

Sportistët ulqinakë dhe shkodranë çelin edicionin e dytë të garës

SHKODER - "Maratona e Pavarësisë", një aktivitet i iniciuar vitin e kaluar nga pasionantë të sportit nga Ulqini dhe Shkodra, është bërë pjesë e programit të hartuar për festimet e shpalljes së Pavarësisë. Grupit të maratonistëve shkodranë dhe ulqinakë, në edicionin e dytë të kësaj maratone, iu bashkuan edhe shumë të tjerë nga Tirana dhe rrethet e tjerë të Shqipërisë.

Në ndryshim nga viti i kaluar, kur maratona e kishte nisjen nga Ulqini për të mbërritur në Shkodër, këtë radhë itenerari i saj, është nga Shkodra në Ulqin. Ceremonia e nisjes së garës së kësaj maratone u zhvillua në sheshin e pedonales pranë bashkisë Shkodër.

Përpara se të jepej sinjali i startit, kryebashkiaku i Shkodrës, Lorenc Luka dhe deputeti shqiptar i Ulqinit, Gëzim Nimanbegu, përcollën përshendetjet e rastit, duke iu uruar sukses pjesëmarrësve. Ndërkohë, Esat Aloshi, ndër iniciatorët kryesorë të kësaj maratone, një shqiptar nga Ulqini, por që jeton prej vitesh në Shtetet e Bashkuara të Amerikës, gjatë një prononcimi u shpreh i kënaqur që nisma e tij me grupin e Ulqinit, e përkrahur nga veterani i sportit shkodran, Irfan Domnori në pjesën e qytetit të Shkodrës, tashmë është përhapur edhe në zona të tjera të Shqipëpërisë, si dhe atyre shqiptare në Malin e Zi. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin