28/11/2013 13:46:16

Vlora, e gjitha ne feste te madhe

Festohet 101 vjetori i Pavareise se Shqiperise

VLORE- Sot në qytetin e Vlorës po festohet 101 vjetori i Shpalljes së Pavarësisë Kombëtare. Në Sheshin e Flamurit, u zhvillua ceremonia zyrtare ku ishin të Pranishëm Presidenti i Republikës, Bujar Nishani, Kryetari i Kuvendit të Shqipërisë, Ilir Meta, Kryeministri Edi Rama, Ministrat e Kabinetit, deputetë, përfaqësues të forcave politike e subjekteve fetare, të ftuar nga Kosova e Maqedonia.

Në fillim u zhvillua ceremoniali i ngritjes së Flamurit, ndërkohë që më pas u vendosën kurora dhe u bënë homazhe në memorialin e Ismail Qemalit, në Lulishten e Flamurit, ku prehen edhe eshtrat e tij.Kryeministri Edi Rama u shpreh se, është kjo ditë është shumë emocionuese. “Për ne, që jemi këtu së bashku me kryetarin e Kuvendit dhe me bashkëkryetarin e Aleancës për Ardhmërinë Evropiane, është një ditë jo vetëm për t’u përulur përpara atyre që themeluan shtetin shqiptar, por edhe për të rinënvizuar angazhimin e plotë që ndjejmë në këtë ditë dhe në këto vite të para të 100 vjetorit të dytë të shtetit, ta çojmë Shqipërinë përpara, dhe njëkohësisht të rrisim edhe bashkëpunimin me të gjithë shqiptarët në të gjithë rajonin për të patur ditë më të mira për çdo shqiptar kudo që jeton”, tha Kryeministri Rama.
Na ndiqni dhe në Facebook dhe Twitter

HermesNews-©2013

Dërgo me email | Stampo artikullin