27/11/2013 12:11:31

Audio, video, foto. Denonconi në portalin e ministrisë

Numër i lartë pagesash të jashtëligjshme për personat me aftësi të kufizuar

TIRANË - 165 kallëzime në Prokurorinë e Elbasanit për abuzime me pagesat e aftësisë së kufizuar, Ministria e Mirëqënies Sociale po vazhdon identifikimin dhe në rrethet e tjera.

Ministri i MSR, Erion Veliaj, përmes rrjetit social Facebook, ka prezantuar portalin më të ri të denoncimeve. "www.denonco.sociale.gov.al është dritarja ku secili prej jush mund të japë kontributin e tij në betejën kundër çdo abuzimi. Na ndihmo edhe ti !", shkruan Veliaj në facebook.

Në këtë portal qyetarët dënoncojnë rastet abuzive, duke ngarkuar një foto ose video. Informacioni që kërkohet për të kryer denoncimin, janë emri dhe mbiemri i denoncuesit, e-maili i tij dhe nr i telefonit, qyteti ku ka ndodhur abuzimi, emri dhe mbiemri i pesonit abuzues, statusi i tij dhe një përshkrim i shkeljes së kryer. Më tej në faqe duhet të bëhet ngarkimi i fotos ose i videos.

Pas publikimit, denoncimet regjistrohen dhe janë në portal. Siç është bërë e ditur dhe më parë, të hënën Shërbimi Social Shtetëror i Ministrisë së Mirëqenies Sociale dhe Rinisë kallëzoi në Prokurorinë e Rrethit Elbasan anëtarët e Komisionit Mjekësor për Caktimin e Aftësisë në Punë, KMCAP Elbasan dhe punonjës të Komunës Labinot-Fushë, në Elbasan, me motivacionin e shpërdorimit të detyrës.

Ata i kanë sjellë dëm ekonomik në buxhetin e shtetit, si dhe kanë keqmenaxhuar pagesat e aftësisë së kufizuar.

Nga kontrolli i ushtruar nga ekipi i auditit të Shërbimit Social Shtetëror ka rezultuar se nga 372 persona me aftësi të kufizuar në Komunën Labinot-Fushë, 159 prej tyre kanë përfituar në mënyrë të parregullt pagesën e aftësisë së kufizuar, si dhe rezultojnë me mangësi dokumentesh në dosje. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin