26/11/2013 18:59:00

Oqeane me magmë në Mars

Sipas një studimi të publikuar së fundmi mendohet se dikur Marsi kishte oqeane të mbushura me magmë të lëngshme dhe të nxehtë

NASA- Marsi, planeti i zjarrtë, që aq shumë ka zgjuar kureshtje tek njerëzimi duke i dhënë jetë fantazive nga më të ndryshmet, por edhe hulumtimeve për një jetë të mundshme në këtë planet.

Sipas një studimi të publikuar së fundmi në revistën shkencore “Nature Geoscience”, mendohet se dikur Marsi kishte oqeane të mbushura me magmë të lëngshme dhe të nxehtë, pra mund t’i jetë nevojitur shumë më tepër kohë nga sa mendojmë për t’u ftohur dhe për të marrë një formë të ngurtë siç e njohim sot.

Hulumtuesit janë bazuar mbi të dhënat që vijnë nga “Mars Reconnaissance Orbiter” e NASA-s në lidhje me depozitat minerale me ngjyrë të bardhë të njohura si plaxhoklaze, të cilat e kanë origjinën nga procese të ndërlikuara magmatike që zakonisht gjenden vetëm në dy vende të sistemit diellor, në koren e sipërme të planetit tonë dhe në sipërfaqen e Hënës, në formë të pastër të njohura me emrin anortosite.

Plaxhoklaset formohen nga kristalizimi i sipërfaqes së lumenjëve të magmas, një proçes i cili mendohet të ketë ndodhur kryesisht përmes fenomenit të pllakave tektonike dhe burimeve vullkanike në Toke apo oqeaneve të magmas në Hënë në fillimin e historisë geologjike.

Hulumtimi i fundit i shkencëtarëve të NASA-s ka arritur të identifikojë tetë pika të ndryshme ku janë të pranishme sasi plaxhoklasi, gjë që na bën të mendojmë se proçesi i formimit të kores së Marsit duhet të ketë qenë shumë më i ndërlikuar nga sa është teorizuar gjer tani.

Gjithashtu kjo nënkupton se sipërfaqja e planetit të kuq nuk përbëhet vetëm nga shkëmbinj të errët bazaltik siç mendonin shkencëtarët.

Kërkimet shkencore në këtë drejtim dhe në veçanti studimet mbi planetin Mars drejtohen kryesisht nga “European Southern Observatory” dhe nga “Gergia Institute of Technology”.

Daniela Vathi

Dërgo me email | Stampo artikullin