26/11/2013 13:47:58

Kompanive që u hiqen liçensat: miliona dëme shtetit

AKBN, 669 subjekte private vjedhin shtetin

TIRANE - Arrin në vlerën 205,715,031 lekë dëmi financiar i shkaktuar buxhetit të shtetit nga 669 subjekte minerare, në zona të ndryshme minerare në të gjithë vendin, duke mos shlyer detyrimin për pagesën e garancive të rehabilitimit në dy vjet: 2011-2012.

Kjo vlerë ka dalë pas kontrolleve që po kryen AKBN me urdhër të Ministrit të Energjisë, Damian Gjiknuri, ku si pjesë e kontrolleve është dhe verifikimi i gjendjes së pagesave të garancive të rehabilitimit nga subjektet me licenca minerare.

Pas verifikimit nga derdhjet në Thesarin e Shtetit, për vitin 2011 janë 393 subjekte që nuk kanë likujduar në shtet vlerën e garancisë së rehabilitimit, duke i krijuar shtetit një dëm në shumën 122,817,925 lekë.

Për vitin 2012, janë 276 subjekte që kanë shmangur detyrimin ligjor për të depozituar garancinë e rehabilitimit duke shkaktuar një tjetër dëm në buxhet në shumën 82,897,106 lekë.

Këtyre subjekteve, në bazë të ligjit "Për sektorin minerar në Republikës e Shqipërisë", Ministria i Energjisë dhe Industrisë u ka dhënë 10 ditë afat për shlyerjen e detyrimeve. Në rast të kundërt, të gjithe subjekteve private do t'u hiqen automatikisht licencat, duke i revokuar në QKL.

Sipas përcaktimit ligjor, "Garanci financiare për rehabilitimin e mjedisit" është vlera monetare që depozitohet çdo vit nga subjekti i licencuar në formën e garancisë bankare në favor të shtetit, që përdoret për realizimin e planit të rehabilitimit përfundimtar të mjedisit. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin