26/11/2013 13:26:27

Pushohen 9 punonjesh te SHKB-se

Kalojne 2 punonjes te tjere per ndjekje penale

TIRANE- Ministri i Drejtësisë Nasip Naço, pas arratisjes së shtatë të dënuarve nga burgu i Drenovës, në Korçë, mbrëmjen e së shtunës, ka nisur një reformë të gjerë në Shërbimin e Kontrollit të Brendshëm, si dhe në drejtoritë respektive të institucioneve të ekzekutimit të vendimeve penale.

Mësohet se vetë Ministri Naço ka vendosur të lirojë dhe të transferojë nga detyra 9 punonjës të SHKB-së si dhe të nisë procedurat për ndjekje penale ndaj dy punonjësve të tjerë. Burime zyrtare të Ministrisë bëjnë të ditur se shtetasit e liruar nga detyra, mes të cilëve të transferuar, janë Haxhi Damzi, Gjergj Luca, Besmir Paja, Eduard Hasanaj, Agron Dhoska, Etleva Babameto, Sadik Lika, Sokrat Turtulli dhe Orland Reci.

B urimet zyrtare konfirmojnë se vendimi i Ministrit Naço vjen pas hetimeve të realizuara ndaj shtetasve të sipërcituar të cilët mësohet se kanë patur informacion mbi arratisjen e të burgosurve në Burgun e Drenovës dhe nuk kanë raportuar në ministrit. Ditën e sotme, ministri Naço ka nisur procedim penal për Pirro Dungun, përgjegjës sektori në SHKB dhe Polikron Balliun inspektor.

Kujtojmë që ditën e shtunë rreth orës 19:30 të mbrëmjes shtatë të burgosur në Burgun e Drenovës, Korçë arritën të arratiseshin. Një ditë më vonë u bë i mundur ri-arrestimi i katër prej tyre ndërsa vijon kërkimi për tre të tjerët.Ministri i Drejtësisë, Nasip Naço, pas kësaj ngjarje mori vendim për të liruar nga detyra drejtorin e burgut të Korçës, Genc Apostolin, ndërsa në bashkëpunim me Prokurorinë e Përgjithshme nisën procedimet penale, për 21 punonjësit e burgut që ishin në detyrë mbrëmien 23 Nëntorit, kur u realizua arratisja.

Pas këtyre vendimeve, kreu i drejtësisë shqiptar mori një sërë vendimesh, duke nisur një reformë të gjerë në institucionet e ekzekutimit të vendimeve penale, ndërsa nisën hetimet edhe në lidhje me Shërbimit të Kontrollit të Brendshëm.
Na ndiqni dhe në Facebook dhe Twitter

HermesNews-©2013

Dërgo me email | Stampo artikullin