26/11/2013 13:08:29

Rritje me 17% të eksporteve

Në Tetor vërehet ulje e importit të mallrave me 0.3% më pak ndaj tetorit 2012, duke arritur vlerën totale prej 46 miliardë lekë

TIRANE - Eksportet e mallrave shqiptare arritën në muajin Tetor vlerën 22 miliardë lekë, me një rritje vjetore prej 17% më shumë nga tetori 2012, ku ndikim kryesor dhanë eksportet e produkteve bujqësore, kryesisht në vendet e rajonit.

Sipas INSTAT, rritja më e madhe u vu re tek eksportet e grupeve: "Ushqime, pije, duhan" me 46% dhe "Prodhime druri dhe letre" përafërsisht 43 % më shumë se një vit më parë, ndërsa pësoi rënie eksporti i produkteve në grupin "Materiale ndërtimi dhe metale" me rreth 5% më pak.

Në Tetor vërehet ulje e importit të mallrave me 0.3% më pak ndaj tetorit 2012, duke arritur vlerën totale prej 46 miliardë lekë. Uljen më të madhe e pësuan importet e grupeve: "Ushqime, pije, duhan" me rreth 11% si dhe "Materiale ndërtimi dhe metale" me rreth 6%.

Tregtia me vendet e BE arriti në Tetor në 68%, ku partnerët kryesorë tregtarë vazhdojnë të jenë Italia dhe Greqia. Tregtia me Italinë është 38%, ndërsa me Greqinë, 6%. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin