25/11/2013 13:02:50

Grate fierake marshim kunder dhunes

Motoja e tyre 'Stop dhunes ne familje'

FIER- Dhjetra gra të institucioneve të ndryshme ne Fier si, bashkia, këshilli i qarkut, prefektura, drejtoria shëndetësore dhe institucioneve të tjera, janë mbledhur sot bashkarisht ne një marshim solidariteti për t'i thënë “Stop” dhunës në familje. Ky organizim i përbashkët mes bashkisë dhe Drejtorisë së Shëndetit Publik, kishte përqëllim sensibilizimin e shoqërisë në kuadër të 27 Nëntorit, ”Dita Kombëtare Kundër Dhunës në Familje”.

"Kemi ndërmarë sot një tubim në rrugët e qytetit për të përcjellë një mesazh sa më të qartë për viktimat e dhunës në familje. Qëllimi yne është që të kultivojmë te gjithësecili kulturën qytetare, për një shoqëri pa dhunë ,ku barazia gjinore, të drejtat e fëmijëve, të vajzave e grave të mos mbeten në letër, por realitet i prekshëm”, tha përgjegjësja e njësisë për brazinë gjinorë pranë bashkisë, Natasha Doko. Gratë përshkuan shëtitoren kryesore të qytetit dhe radhëve të tyre iu bashkuan edhe shumë qytetare ,duke e bërë më masiv këtë tubim sensibilizues.
Na ndiqni dhe në Facebook dhe Twitter

HermesNews-©2013

Dërgo me email | Stampo artikullin