25/11/2013 11:45:28

''Ngrihen'' kreditë ndaj bizneseve të vogla

Bizneset kërkojnë mënyra të tjera kreditimi

FIER - Bankat në Fier vazhdojnë të jenë "dorë shtrënguar" në kreditimin e biznesit të vogël. "Ato vazhdojnë të mos na trajtojnë si patnere në politikat e tyre financiare të kreditimit", shprehen biznesmenët fierakë.

Sipas tyre, pasiguria dhe niveli i kredive të këqija (që shkon në rreth23%), kane bërë që rrjeti bankar të mendohet mirë, duke kërkuar një ”mal” me shkresa para ndonjë kreditimi. "Bankat vazhdojnë të shtrengojnë masat dhe të rrisin vlerën e tarifave të kreditimit, duke na vënë në vështirësi financiare", shprehen biznesmenet.

Xhevahir Selimaj, administrator i një biznesi të vogël, pohon se nevojat për shtimin e aktivitetit të biznesit e kane detyruar të gjëje mekanizma dhe rrugë të tjera financimi, pasi kreditimi i biznesit të vogël nga rrjeti bankar është pothuajse në kufijtë e ngrirjes.

Sipas tij, bankat nuk i besojnë licencës dhe eficencës së biznesit të vogël, duke u kërkuar atyre shumë garanci shtesë. Për këtë situatë, ai nuk fajsonë vetëm rrjetin bankar, por edhe vet biznesin e vogël, i cili, sipas tij, nuk është i organizuar në shoqatë apo në Dhomën e Tregtisë.

”Krijimi i një organizmi të tillë për të mbrojtur interesat nën ombrellën institucionale dhe per krijuar marrëdhënie reprociteti me përfitim të ndërsjelltë me bankat dhe institucionet e tjera, mendoj se është një nga rrugët për kapërcimin e kësaj situate”, u shpreh Selimaj. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin