24/11/2013 13:13:54

Arrestohen dy persona ne Elbasan

Ndihmuan te arratisurit nga burgi i Drenoves

ELBASAN- Dy persona të dyshuar si bashkëpunëtorë të arratisjes së shtatë të dënuarve në burgun e Drenovës në Korçë, janë arrestuar nga Policia e Elbasanit. Burime të Policisë bënë të ditur se rreth orës 02.30 të mëngjesit të së dielës janë arrestuar Olsjom Misir Maçi 20, vjeç, me banim në Tiranë dhe Albi Neçini, 19 vjeç, me banim në Kamëz. Këta dy persona janë arrestuar në hyrje të qytetit të Elbasanit pasi gjatë kontrollit të mjetit tip Seat gri me targë AA 389 GY rezultoi se mjeti ishte në pronësi të Dritan Pecani, i cili është mik i Admir Tafilit, njërit prej organizatorëve të arratisjes nga burgu i Drenovës.

Mësohet se kohët e fundit dy të rinjtë bashkë me Dritan Pecani kishin shkuar më shumë se tre herë për të takuar në burgun e Drenovës Admir Tafilin. Policia paraprakisht dyshon se dy të arrestuarit janë pjesë e skenarit për arratisjen e shtatë të burgosurve. Ndërkaq, ata janë nisur drejt Korçës ku dhe do të merren në pyetje dhe hetohen për të zbard hur të plotë rrethanat e arratisjes.
Na ndiqni dhe në Facebook dhe Twitter

HermesNews-©2013

Dërgo me email | Stampo artikullin