23/11/2013 17:55:10

Rrugët e pakalueshme në Tepelenë

Për të parandaluar ndonjë aksident të mundshëm rrugor, efektiva të drejtorisë së policisë së qarkut të Gjirokastrës janë përqëndruar në të gjithë aksin rrugor kombëtar Kakavije-Fier dhe Jorgucat-Sarandë, me gjatësi rreth 160 kilometra

TEPELENË - Shirat e rrëmbyeshëm që kanë përfshirë një pjesë të madhe të vendit kanë shkaktuar probleme në akset rrugore në jug të vendit. Një sasi e konsiderueshme dheu ka rrëshqitur nga muri mbrojtës i rrugës, duke bllokuar krahun e majtë të aksit kombëtar Gjirokastër - Tepelenë. "Shkarja e dheut nga muri mbrojtës në këtë aks rrugor, pranë vendit të quajtur Shkalla e zezë, ka ardhur si pasojë e shirave të rëna gjatë 48 orëve të fundit", tha Gentian Mullai, zëdhënësi i policisë lokale. Ai tha të gjitha automjetet e vogla mund të qarkullojnë pa vështirësi, ndërsa drejtuesit e automjeteve të tonazhit të rëndë duhet të tregojnë mjaft kujdes ose të kufizojnë lëvizjen në këtë aks rruge. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin