21/11/2013 20:48:02

Rama: dy herët e mia me Sokolin

K/ministri shkruan pas vdekjes së deputetit demokrat Sokol Olldashi

TIRANË - Kryeministri Edi Rama, shprehu vlerësim për figurën dhe rolin e deputetit demokrat Sokol Olldashi, i cili humbi jetën mbrëmë në një aksident automobilistik.

“S’kam pasur rastin ta takoj asnjëherë dhe pse dy herë e kam pasur përballë, drejtëpërdrejtë si kundërshtar. Një herë si hetues parlamentar dhe një herë si kandidat për Tiranën”, shkruan Rama në një postim në faqen e tij në Facebook.

Rama shprehet se "në distancë i çmoja shumë qysh në krye të herës hazërxhevapin prej mistreci brilant. Akull dhe shpuzë. Ndër të paktat debate televizive që ndiqja me dëshirë qenë ato kur në anën tjetër përballë të mive, ishte Sokol Olldashi".

“Në një ditë si kjo është zakon të thuhen me tepri fjalë të mira, por unë kam veç këto pak fjalë të ndjera në respekt të kujtimit të tij siç e kam. Ashtu siç kam brenda meje qysh mbrëmë, një keqardhje therëse për ikjen e tij kaq tragjikisht nga jeta dhe nga skena e luftës politike - ku mesa duket la një boshllëk të rëndësishëm për aq shumë njerëz sa u vunë sot në radhë, pa dallim, për t’i thënë me dhimbje sinqerisht lamtumirë”, përfundon Kryeministri. Te tjera/ Person i dytë me Olldashin ? Durrës: 19 vjeçarja aksidentohet dhe braktiset e vdekur në rrugë Vdekja e Olldashit; sot homazhet ne Parlament Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin