21/11/2013 20:21:00

Plehrat e konsullatës italiane në vend të ndaluar: irritohen vendorët

Punonjësit e konsullatës hodhën plehrat dhe i dogjën në lumin Kir

SHKODËR - Hedhja e mbeturinave nga ana e punonjësve të Konsullatës Italiane në Shkodër në një zonë të ndaluar në periferi të qytetit, ka ndeshur sot në reagimin e ashpër të drejtuesve vendorë, si edhe të strukturave përkatëse rajonale të mjedisit dhe të policisë, të cilët kanë penalizuar rastin në fjalë.

Behet fjale per zonën periferike pranë lumit Kir si dhe Varrezave të Dëshmorëve të rrethit, ku falë kembenguljes se prefektit të ri, Paulin Radovani, u bë e mundur që prej më shumë se 20 vitesh aty të mos depozitoheshin më mbetje urbane, duke pasur si destinacion Lanfildin e Bushatit.

Shfaqja e një automjeti të Konsullatës Italiane në Shkodër në këtë zonë, depozitimi, si dhe fillimi i procesit të djegies së hedhurinave, ka shkaktuar probleme mjedisore ne kete territor.

Pas marrjes së informacionit, në vendngjarje ka mbërritur menjëherë prefekti i Shkodrës, Paulin Radovani, si dhe forcat e policisë me në krye drejtorin e qarkut, Shaban Nexhi.

I informuar për problemin e krijuar, pas pak minutash në vendngjarje ka mbërritur edhe Konsulli i Italisë në Shkodër, Maurizio Polselli, i cili ka kërkuar të njihet me problemin.

Prefekti Radovani perballe shkeljes se rregullave mjedisore ka kerkuar zbatimin me perpikmeri te ligjit, procedure qe eshte zbatuar nga ana e specialistëve të Agjencisë Rajonale të Mjedisit. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin