21/11/2013 11:47:03

Rusia lëshon satelitë vëzhgimi

Bëhet fjalë veçanërisht për satelitin e fotografimit të tokës DubaiSat-2 i Emirateve të Bashkuara Arabe me një peshë prej 300 kilogramësh

MOSKË - Raketa ruso-ukrainase ''Dnjepër'' hodhi sot 23 satelitë të huaj vëzhgimi prej bazës së lëshimit në Jasnjij, në rajonin e Orenburgut, në jug të Uraleve, njoftoi Agjencia Hapësinore Ruse, Roskosmos. "Lëshimi i raketës Dnjepër me 23 satelitë të huaj u krye me sukses në orën 07:10 GMT", njoftoi një zëdhënës i Roskosmos-it, i cituar nga agjencia ruse e lajmeve, ITAR-TASS. Bëhet fjalë veçanërisht për satelitin e fotografimit të tokës DubaiSat-2 i Emirateve të Bashkuara Arabe me një peshë prej 300 kilogramësh, disa aparatura STSAT-3 të Koresë së Jugut dhe për UniSat-5 të Italisë, satelitët amerikanë Skysat-1 dhe AprizeSat-7/8 dhe për satelitin japonez WNISat, i konceptuar posaçërisht për të mbikëqyrur dhe për të dhënë që më parë të dhëna për situatën e akujve në oqeanin Arktik. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin