21/11/2013 11:12:44

Thonë për Sokoll Olldashin

Mesazhet në Facebook për humbjen e jetës së deputetit demokrat

Facebook -
Edi Rama - > NGUSHELLIME FAMILJES. Me shumë keqardhje ndjehemi pranë nënës, gruas, fëmijëve dhe të afërmve të Sokolit në këtë moment kaq të rëndë për ta. Linda dhe Edi Rama

Fate Velaj - > "RIP. per sokolin... e takova para 2 ditesh, ne hapje te expos se rexhep ferrit, ne galerine kombetare. me uroi angazhimin tim si keshilltar prane kryeministrit rama. me kishte ardhur edhe njehere, ne vitin 2006, ne nje expon time ne galerine kombetare. kisha hapur expon time me 100 fotografi nga vienna. erdhi dhe diskutuam per fotot e,...me tregonte se kishte qene te kjo pamje e te ai vend dhe se e pelqente shume vjenen. RIP. edhe per... rruget tona. parmbreme vija nga tirana per vlore. ishte nate. pus i zi. rruget tona me te zeza se nata vete. sa mberrita ne vlore, takova miqte e shoket. me ftuan per nje caj. sa hyra ne lokal, pa hequr xhaketen ju thashe: o perendi! nese del i gjalle nga rruget ne shqiperi, je fatlum. rruga nga durresi ne rrogozhine eshte me e tmerrshmja qe kam udhetuar...pa sinjalistika, pa ndricim, pa...udheton dhe sdi ku po vete...kete e thashe edhe kur kalova per here te pare ne rrugen e kombit. sa ishte inauguruar dhe mu desh te nisesha per prishtiine. ju thashe miqve te ekzaltuar nga ngazellimi i jehones mediatike se, kjo rruge, eshte me e veshtira qe kam udhetuar... jashte standardeve. me kthesa, harqe rrugesh e me kende te veshtira...qe ne shi e debore del shetitje ne humnere. edhe per rrugen e bregut te njejten gje kam thene. edhe per...kete gje e kam thene per cdo rruge ne shqiperi. kam udhetuar shume ne jeten time. shume fare. nga edinbourgu i scocise e deri ne kostanza te rumanise, ne det te zi, neper malet karpate e ku di une ku, nga kairo e alexandria..nga...por keto rruge nuk i kane shkelur, rrotat e mia. RIP. per sokolin qe ju dedikua ndertimit te rrugeve por..., rruge te verteta europiane, nuk beri dote. RIP. per sokolin, djalin e durresit per te cilin kam degjuar shume fjale te mira. RIP. per sokolin, djalin alternativ te cilin, te gjithe e shihnin si nje alternative demokratike, ne partine demokratike."

Ditmir Bushati - > "Trishtim per humbjen e kolegut dhe nje prej politikaneve me aktiv, Sokol Olldashi! Ngushellime nenes, bashkeshortes dhe dy djemve te tij !"

Tritan Shehu - > "Humbem nje shok, nje mik. Humbje e tmerreshme, per ate, familjen, politiken, shoqerine. Nuk di cfare te them tjeter. Ngushellimet me te thella."

Eduart Selami - > "Ndarja tragjike e Sokol Olldashit nga jeta eshte nje humbje e madhe per te gjithe miqte e tij.Familja humbi njeriun e shtrenjte.Partia Demokratike nje perfaqesues te shquar dhe shoqeria shqiptare nje luftetar te lirise. U prehte ne paqe..."

Sali Berisha - > "In Memoriam! I dashur Sokol, lajmi i zi per aksidentin tragjik permbyti me dhimbje, pikellim dhe zi te madhe, zemrat, shpirtrat, e bashkeshortes, djemeve, prinderve, miqve, te afermve tuaj por dhe te demokrateve dhe demokratëve dhe mbare shqiptareve. I rritur ne kampet e punes te rregjimit barbar, si enfant prodige i vuajtjes, sakrifices, kurajos dhe qendreses njerezore, Sokol Olldashi me guximin, mençurine, shpirtin e tij te pamposhtur, do te hynte ne levizjen demokratike te viteve 90 dhe do te shkelqente si njeri prej yjeve me te shendriteshme te saj. Bashkeshortja, djemte, prinderit, miqte, te afermit e tu humben mbreme njeriun e tyre me te dashur, Partia Demokratike, demokratet dhe mbare shqiptaret humben njerin prej drejtuesve, personaliteteve me te vendosur dhe me te shquar te ketyre dy dekadave, humben njerin prej politikanëve me te talentuar, qeveritareve tane me te afte . Parlamenti shqiptar humbi oratorin me llogjike te kristalte, ligjberesin e zote, avokatin e zjarrte te qytetareve dhe interesit te tyre. Publicistika, studiot, arenat e debateve nuk do te kene me yllin e tyre te paperseritshem. Kurse une nuk do te kem më jo vetem nje mik te çmuar por dhe njerin prej bashkepunetoreve me te afert, me te afte, me te guximeshem te jetes sime politike.

I dashur Sokol, sot dhimbja ne zemrat tona eshte me rende se guri, zija me e zeze se nata, me e zeze se ajo kthesa qe te zuri prite dhe vitin e dyte te rinise se burrit te çoi tinezisht miku yne i dashur ne banesen e perjetesise. Ora qe une po shkruaj keto pak fjale ka kaluar kater e mengjesit dhe te them te verteten syte ne ndonje cast dhe me njomen dhe lëpehen dhe ne ndonje fjale germat edhe me zbehen, por une te siguroj se keto jane vetem çaste. Ne nuk mund vajtojme dhe kurre nuk do te vajtojme per ty. Ti je dhe do mbetesh perjete i gjalle midis nesh. Ti jeton ne krenarine,ne frymezimin, vizionin, guximin tone. Ti jeton ne zemrat e te rijnjve qe ngrije peshe, ne shkrimet e tua perla te publicistekes sone, ne fjalimet, debatet, batutat e tua te paperseriteshme, jeton ne vepra qe kane ndryshuar kete vend pergjithmone.

Miku une, ne me kitaren tende, tingujt e saj melodioze gjithnje do kendojme dhe festojme se bashku ty, vepren tuaj te pavdekshme, vepren tone. Po Koli, prehu i qete ,me deshiren e Zotit ne paqen e merituar. Lamtumire mik i dashur, lamtumire Sokol, ti perjet je midis nesh. I lehte qofte mbi ty, dheu i tokes sone!! sb".

PD - > Partia Demokratike ka lëshuar një deklaratë per mediat pas ngjarjes se rëndë, ndodhur mbrëmjen e së mërkurës në aksin rrugor Tiranë- Elbasan, ku si pasojë e aksidentit tragjik rrugor, humbi jetën deputeti i Partisë Demokrtike Sokol Olldashi. Më poshtë po japim të plotë deklaratën e Partisë Demokratike."Mbrëmë humbi jetën në një aksident tragjik, deputeti i PD-së, Sokol Olldashi.

Nëna, humbi njeriun më të dashur të cilin e rriti me aq shumë mund dhe sakrifica për shkak edhe të regjimit, i cili e internoi familjen e Sokolit, kur ai ishte vetëm dy vjeç në Selenicë të Vlorës. Bashkëshortja humbi njeriun e saj të zemrës, fëmijët humbën babain e dashur. PD humbi ish-ministrin dhe deputetin e saj, humbi ish-drejtuesin e Forumit Rinor, zërin e fortë dhe qytetar në Parlamentin e Shqipërisë dhe mikun e betejave politike për një shoqëri të lirë, të zhvilluar dhe më të mirë.

Shoqëria humbi një zëdhënës të sajin, ndërsa gazetaria një mik dhe koleg të përhershëm dhe të kudogjendur. Politika dje ka mbajtur frymën. Ka qenë në vendin e aksidentit e bashkuar si rrallë mund ta shikosh atë, duke kuptuar se përtej betejave dhe debateve të ditës, vlera e jetës është më e madhja. Sokoli do të na mungojë të gjithëve. Fati e desh të largohet në një moshë të re dhe përballë tij të gjithë jemi të pafuqishëm për të protestuar, por jemi të mundur për të reflektuar, se sa e shkurtër është jeta e njeriut.

Do ta kujtojmë çdo herë si njërin nga ne, si mikun dhe shokun tonë me të cilët kemi ndarë momente të vështira, por edhe ditë të bukura. Si bashkudhëtar të një historie për të cilën ai pati fatin që të japë kontribut dhe të lërë emrin në një sërë veprash madhore jo vetëm në infrastrukturë, por edhe si ish-ministër i Brendshëm në goditjen e grupeve të krimit të organizuar më të rrezikshme në Ballkan. i dha zemër dhe rini PD-së, forcë dhe energji për ta shtyrë atë drejt rezultateve më të mira.

Sot më shumë se gjithçka ka vlerë heshtja dhe lutja e secilit nga ne për Kolin. Është koha për të kujtuar një mik që ndahet nga ne papritur duke na lënë në befasi se nuk do e dëgjojmë më zërin e tij në Kuvendin e politikës, në debatet që e bëjnë më të shëndetshme demokracinë, por edhe në tryezat e kafenesë së mëngjesit apo në takimet spontane në rrugët e Tiranës, Durrësit, Fierit dhe të gjithë vendit.

E tillë është jeta. Koli e jetoi me vrull. Vrapoi, nuk eci. Dhe shpejtësia ndonjëherë është edhe kapriçoze. Të ndal në mënyrë tragjike, ashtu sikurse bëri mbrëmë me Kolin. Iku ashtu sikurse ishte mësuar të ecte, duke vrapuar, vetëm se kësaj radhe për të shkuar në një jetë tjetër, për të cilën i lutemi Zotit, që ta vendosë në anën e të mirëve. I gjendemi pranë familjes së tij në këto momente të vështira dhe lusim Zotim t’i japë forcë që të kalojë këtë ditë të vështirë". Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin