21/11/2013 10:54:03

Durrës: 19 vjeçarja aksidentohet dhe braktiset e vdekur në rrugë

Trupi i 19 vjeçares Enkelejda Mëhillit, banuese në fshatin Bilaj, u gjet nga disa kalimtarë të rastit

DURRËS - Trupi i pajetë e një vajze 19-vjecareje është gjetur sot në mëngjes, pranë rrugës rajonale automobilistike të fshatit Bilaj, 5 km larg qytetit të Fushë Krujës. Burime zyrtare nga drejtoria e Policisë së qarkut të Durrësit, bënë të ditur të enjten se trupi i 19 vjeçares Enkelejda Mëhillit, banuese në fshatin Bilaj, u gjet nga disa kalimtarë të rastit, pranë rrugës automobilistike, ndërsa mësohet se nga kqyrja e trupit dhe vendngjarjes dyshohet se bëhet fjalë për një aksident rrugor. Burimet shtuan se në trupin e 19-vjeçares ka dëmtime të ndryshme. Krahas dyshimit të një një aksidenti të mundshëm, hetimit janë përqendruar edhe në pista të tjera të mundshme. 19-vjeçarja Mëhilli, punonte në një ndërmarrje konfeksionesh, në qytetin e Krujës-përfunduan burimet. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin