20/11/2013 08:26:40

Liban: xhihadistët marrin përgjegjësinë e sulmit në Bejrut

Arrin në të paktën 22 persona, ndër të cilët këshilltari kulturor iranian, bilanci i të vdekurve dhe mbi 150 ai i të plagosurve nga një atentat i dyfishtë me autobombë

BEJRUT - Grupi xhihadist ''Brigadat Abdullah Azzam'' ka marrë përsipër përgjegjësinë për antetatin e dyfishtë me autobombë që tronditi sot nzonën pranë ambasadës iraniane në Bejrut, sipas njoftimeve të televizionit libaneze, Lbci.

Ndërkohë që arrin në të paktën 22 persona, ndër të cilët këshilltari kulturor iranian, bilanci i të vdekurve dhe mbi 150 ai i të plagosurve nga një atentat i dyfishtë me autobombë që ndodhi mengjësin e sotëm në Bejrut para ambasadës së Iranit, aleati kryesor i regjimit sirian.

"Të paktën 22 persona kanë mbetur të vdekur dhe rreth 146 janë plagosur. Megjithëse ky nuk është një bilanc përfundimtar", deklaroi për AFP ministri i Shëndetësisë, Ali Hassan Khalil.

Në radhët e të vdekurve rezulton edhe sheikh Ibrahim Ansari, këshilltar kulturor i ambasadës, me kombësi iraniane, deklaruan burime zyrtare libaneze. "Këshilltari po hynte në ambasadë kur ndodhi shpërthimi i parë. Ai mori plagë të rënda dhe ndërroi jetë në spital si pasojë e tyre", theksuan burimet. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin