20/11/2013 08:15:47

Emërohet kreu i ri i pastrimit të parave

Ai zëvendësoi në këtë detyrë Arben Doçin

TIRANE - Genti Gazheli është emëruar të martën Drejtori i ri i Drejtorisë së Përgjithshme të Parandalimit të Pastrimit të Parave. Gazheli ka një eksperiencë të pasur në fushën financiare dhe atë ligjore dhe merr drejtimin e Drejtorisë në momente në të cilat angazhimi i qeverisë shqiptare në luftën kundër krimit të organizuar dhe korrupsionit është përcaktuar si një nga prioritetet kryesore në rrugën e integrimit Europian të vëndit. Prezantimi i tij u bë nga zëvendësministri i Financave, Ervin Mete.

Drejtoria e Përgjithshme e Parandalimit të Pastrimit të Parave (DPPPP) është Njësia e Inteligjencës Financiare e Republikës së Shqipërisë dhe Autoriteti Përgjegjës për Parandalimin e Pastrimit të Parave dhe Financimit të Terrorizmit, e krijuar në vitin 2001.

DPPPP, si Autoritet Përgjegjës, mbikëqyr përputhshmërinë me ligjin "Për parandalimin e pastrimit të parave dhe financimit të terrorizmit" të subjekteve raportuese. Si njësi informuese-inteligjence, DPPPP jep informacion agjencive të zbatimit të ligjit dhe organit të Prokurorisë në Republikën e Shqipërisë. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin