16/11/2013 15:51:19

Siri: miratohet plani për shkatërrimin e armëve kimike

Organizata ndërkombëtare për ndalimin e armëve kimike ka miratuar planin për shkatërrimin e arsenalit kimik sirian

HAGE- Organizata ndërkombëtare për ndalimin e armëve kimike ka miratuar planin për shkatërrimin e arsenalit kimik sirian edhe pse, pas refuzimit të Shqipërisë, nuk dihet ende cili do të jetë vendi që do të marrë përsipër këtë detyrë.

“Plani është miratuar” - tha Christian Chartier, pjesëtar i kësaj organizate, pas një dite të gjatë negociatash ku shumë vende refuzuan të pranonin në territorin e tyre demontimin e mbi një mijë ton armësh kimike siriane.

Shtetet e fundit, të cilat thanë “JO”, pas Tiranës, ishin Norvegjija dhe Danimarka. Dje ishte data e fundit për skadencën e caktuar midis Kombeve të Bashkuara dhe regjimit të Damaskut.
Mbrëmë në mbrëmje, pas refuzimeve, arriti në Washington lajmi në të cilin shprehej shpresa se “korniza kohore” e caktuar për shkatërrimin e armëve kimike të Bashar Assad-it do të respektohet.

Daniela Vathi

Dërgo me email | Stampo artikullin