16/11/2013 15:14:48

Papa Françesku mjeshtër në gatimin e paella-s

Zërat që vijnë nga Vatikani rreth Papa Françeskut tregojnë se ai është një kuzhinier i shkëlqyer

VATIKAN - Zërat që vijnë nga Vatikani rreth Papa Françeskut tregojnë se ai është një kuzhinier i shkëlqyer. Për më tepër dita e tij nis shumë heret pasi preferon të zgjohet që heret në mëngjes. Domethënë një Papë i gjithi për t’u zbuluar!

Elisabetta Pique, një gazetare argjentinase dhe mike e ngushtë e Atit të Shenjtë, ka publikuar një libër me titull: “Fraçesko. Jetë dhe revolucion”, në të cilin tregon për zakonet e Papa Françeskut që fitoi menjëherë besimin e besimtarëve, por edhe të vetë laikëve.

Ajo na paraqet një Papë krejt ndryshe nga sa mund ta mendojmë. Ai është njeri si të gjithë ne, para se të jetë Ati i Shenjtë i të gjithë të krishterëve. Si i tillë i pëlqen ushqimi i mirë dhe gatuan edhe ai vetë shumë mirë, sidomos paella-n.
Zgjohet në 4.15 të mëngjesit, pasi bën një dush, vazhdon me lutjet, më tej përgatitet për mëngjes. Në menunë e Shën Martës ska vënë “dulce de leche” si ëmbëlsirën e tij të preferuar.

Kuriozitete të tjera: për shembell çdo ditë në 17.00, Papa Bergoglio, i vetëm, merr një kapuçino nga makineritë e Shën Martës dhe paguan nga xhepi i tij 30 cent që kushton kapuçino. Gjithashtu ka zakonin t’u ofrojë briosche rojeve sviceriane në shërbim të tij dhe gjithe Selisë së Shenjtë të Vatikanit. Na ndiqni dhe në Facebook dhe Twitter

Daniela Vathi

Dërgo me email | Stampo artikullin