16/11/2013 12:46:18

Victoria Beckam merr çmim në Berlin

Victoria Beckam sapo tërhoqi çmimin e saj të rradhës ne Berlin, për shtëpinë e modës që ajo zotëron

BERLIN- Victoria Beckam sapo tërhoqi çmimin e saj të rradhës ne Berlin, për shtëpinë e modës që ajo zotëron. Bëhet fjalë për çmimin Bambi Awards 2013, i cili iu dorëzua dje në Berlin. Gjatë ceremonisë, Victoria pozoi mbi tapetin e kuq bashkë me stilistin e Chanel, Karl Lagerfeld, i cili tregoi gjeste të shumta respekti dhe nderimi ndaj bukuroshes Beckam.
39- vjeçarja dukej mëse në formë me fustanin e gjatë dhe të zi me një të çarë përpara që nuk lë indiferent. Në ceremoninë e dorëzimit të çmimeve mori pjesë edhe Miley Cirus, e cilësuar si International Pop, e gjitha e mbuluar nga një fustan i zi nga firma Jean Paul Gautier, që pak i afrohet stilit me të cilin jemi mësuar ta shohim zakonisht.
Gjithashtu ishte i pranishëm edhe këngëtari Robbie Williams, i cili postoi në Twitter një foto ku puthte të pasmet e një statuje.

HermesNews - © 2013

Dërgo me email | Stampo artikullin