15/11/2013 16:24:47

Vijojne protestat neper Shqiperi

Pritet dhenia e vendimit nga kryeministri Rama

TIRANE- Teksa pritet ora 17:00, kur Kryeministri i vendit Edi Rama do të bëjë të ditur edhe vendimin e qeverisë lidhur me asgjësimin ose jo të armëve kimike siriane në vendin tonë, protestuesit, qytetar, studentë e gjimnazist, vijojnë të jenë përball kryeministrisë.

Përgjatë ditës, fluksi qytetarëve është rritur nga ora në orë, ndërsa pas orës 14:00 ka filluar një rënie lehtë por sipas protestuesve kjo vjen për shkak të orarit të drekës, ndërsa pritet që përsëri rreth orës pesë të kemi një rritje të madhe të numrit të protestuesve.

Protestës i janë personalitete të jetës shoqërore, aktor e këngëtar, të cilët së bashku me protestuesit kanë kënduar himnin e kombëtar të flamurit si dhe këngë të tjera patriotike. Po ashtu një dukuri e veçantë e kësaj proteste ka qenë një organizim spontan i gjimnazistëve dhe studentëve të cilët kanë krijuar disa rethe sipas fakultetit apo gjimnazit që i përkisnin, ndërsa këndonin dhe recitonin këngë patriotike.

Një tjetër karakteristik është fakti se të gjithë njëzëri, i thonin jo politikës, ndërsa kërkonin që Qeveria t'i thotë jo armëve kimike të Sirisë.Protesta ka nisur që prej ditës së djeshme në orën 9:30, përball Kuvendit e më tej është spostuar përball Kryeministrisë, ku ka vijuar për gjatë gjithë natës, ndërsa drejtuesit e protestës bëjnë të ditur se do vijoi deri sa të Qeveria t'i thotë jo armëve kimike të Sirisë.

Aleanca Kundra Importit të Plehrave, mbështetëse e kësaj proteste ka dorëzuar sot një peticion në kryeministri, ku kërkohej pra refuzimi nga ana e qeverisë e kërkesës për shkatërrimit të armëve kimike në vendin tonë, ndërsa mësohet se këtë peticion e kanë nënshkruar 34 000 qytetar.

Efektivët e Policisë monitorojnë çdo sekondar, ndërsa tre furgona të FNSH-së, Forcave të ndërhyrjes së shpejtë janë postuar mbrapa kryeministrisë, së bashku edhe me një autoambulancë.
Na ndiqni dhe në Facebook dhe Twitter

Dërgo me email | Stampo artikullin