13/11/2013 07:38:39

Të plagosur e viktima me armë zjarri: hetohet pista e hasmërisë

Një i vdekur dhe një i plagosur në Gjirokastër

(11:28) Rreth orës 20.30, në Sallën Operative të Komisariatit të Policisë Tepelenë (foto nga vendgjarja) ardhur një telefonatë se në hyrje të qytetit Memaliaj janë plagosur me armë zjari dy shtetas, njëri prej tyre është transportuar për në Spitalin e Tepelenës dhe tjeri është cuar në Spitalin e Memaliajt. Menjëherë në drejtim të vendngjarjes janë nisur forcat e policisë së Komisariatit të Policisë Tepelenë dhe në Spitalin e Tepelenës.

Gjithashtu për në vendngjarje janë nisur forca të tjera të policisë të Komisariatit të Policisë Gjirokastër, të Drejtorisë së Policisë, të Sektorit Kundër Krimeve të Rënda në Drejtorinë e Policisë së Qarkut, dy grupe të FNSH, te drejtuara nga Drejtori i komanduar i Policisë së Qarkut Gjirokastër Arben Dashi, ku ka rezultuar se:

Shtetasi Aurel Haxhiaj, i datëlindjes 1982, lindur në fshat Memaliaj dhe banues në Memaliaj, së bashku me kushëririn e vet Niko Baka, i datlindjes 1983, lindur në fshat Memalia dhe banues në Sarandë, në momentin që po shkonin në banesë, në afrësi të banesës së shtetasit Aurel Haxhiaj, një shtetas u kishte zënë pritë dhe menjëherë ka hapur zjarr me automatik në drejtim të tyre.

Si pasojë e plumbave të kallashnikovit, shtetasi Aurel Haxhiaj, ka ndërruar jetë gjatë rrugës për në spital, ndërsa shtetasi Niko Baka, kushëriri i shtetasit Aurel Haxhiaj, është transortuar për në spialin e Gjirkastrës ku aktualisht është jashtë rrezikut për jetën.

Në vendngjarje ka mbërritur edhe Prokurori, i cili ka drejtuar të gjitha veprimet hetimore. Grupi hetimor në vendngjarje ka gjeur edhe gezhojat e armës që është përdor nga autori.

Në kuadër të dokumentimit të ngjarjes gjatë gjithë natës janë shoqëruar në ambjentet e Komisariatit të Policise Tepelenë 13 shtetas.

Gjithashtu janë ngritur disa pika kontrolli në akset rrugore si dhe janë zhvilluar disa kontrolle banesash.

Pista kryesore ku Specialistët e Sektorit Kundër Krimeve të Rënda në Drejtorinë e Policisë së Qarkut Gjirokastër dhe Prokuroria jane perqendruar është ajo e hasmërisë.

I plagosuri Niko Baka kishte ardhur tek kushëriri i tij shtetasi Aurel Haxhiaj që humbi jetën gjatë mbrëmjes së djeshme. Vijon puna për zbardhjen e plotë të ngjarjes dhe kapjen e autorit.


GJIROKASTER - Një i plagosur me armë zjarri është shtruar mbrëmë në spitalin e Gjirokastrës, raporton Gentian Mullai, zëdhënësi i policisë. Bëhet fjalë për Aurel Haxhiaj nga fshati Memaliaj, i cili ka humbur jetën pak pasi është shtruar në spital. Rrethanat e ngjarjes nuk dihen. Në spitalin e Memaliaj është paraqitur i plagosur në armë zjarri Niko Baka, rreth 25 vjeç po ng aky fshat. Informacionet janë paraprake. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin