12/11/2013 14:18:04

Arrestohen 4 punonjes te Kryqit te Kuq

Dyshohen per falcifikim te dokumentave zyrtare

TIRANE- Katër punonjës të "Kryqit të Kuq", janë arrestuar në Tiranë pasi dyshohen për falsifikim te dokumenteve zyrtare. Seksioni Kundër Krimit Ekonomik dhe Financiar, në kuadër të operacionit te koduar “dëshma e rreme”, ka bërë të mundur arrestimin e 4 shtetasve, punonjës pranë “Kryqit të Kuq” në Kamëz, të dyshuar për fallsifkim të dokumentave zyrtare dhe ushtrim të ndikimit të paligjshëm të personave që ushtrojnë funksione publike.

Konkretisht janë arrestuar Alfred Hoxha, 33 vjeç,, Petrit Xhaja, 47 vjeç, Maliq Myrto, 47 vjeç, Xharije Hoxha, 48 vjeç, qe te gjithë punonjës në "Kryqin e Kuq" ne Kamëz. Këta shtetas, sipas policise, dyshohet se në bashkëpunim me njëri - tjetrin, falsifikonin dëshmitë e “Kryqit të Kuq” mbi përfundimin e kursit dy javor për marrjen e lejeve të drejtimit.

Nga hetimi i kryer deri me tani, është konkluduar se implikimi i këtyre shtetasve në falsikimin e dëshmive varion nga 20 deri në 40 euro për një dëshmi, me qëllim përfitimin monetar. Aktualisht nga strukturat e Krimit Ekonomik të Policisë së Kryeqytetit, vazhdon puna hetimore në drejtim të indetifikimit të tjerë personave të përfshirë në këtë aktivitet të kundraligjshëm.
Na ndiqni dhe në Facebook dhe Twitter

HermesNews-©2013

Dërgo me email | Stampo artikullin