11/11/2013 20:51:37

5 milionë produkte të fallsifikuara zbulohen në Itali

Produktet e falsifikuara mbanin emrin e firmave të famshme të luksit si Dolce&Gabbana, Hugo Boss, Just Cavalli, Chanel, Lacoste, Armani dhe ndodheshin në katër magazina të kryeqytetit italian

ROMË - Policia financiare italiane deklaroi sot konfiskimin e më shumë se 5 milionë produkteve kozmetike të falsifikuara e të rrezikshme për shëndetin, si dhe zbulimin në Romë të laboratorit ku prodhoheshin.

"Laboratori përmbante makineri, pajisje dhe përbërës për prodhimin e parfumeve, kremrave, manikyrëve dhe produkteve të makiazhit", citon një komunikatë e policisë.

Produktet e falsifikuara mbanin emrin e firmave të famshme të luksit si Dolce&Gabbana, Hugo Boss, Just Cavalli, Chanel, Lacoste, Armani dhe ndodheshin në katër magazina të kryeqytetit italian.

"Rezultatet e analizave kimike të produkteve të konfiskuara zbuluan praninë në shumicën e rasteve të toluenit dhe benzenit, ndërkohë që ky i fundit cilësohet si substancë kancerogjene", citon më tej komunikata. Policia vuri përpara drejtësisë 33 persona, mes të cilëve edhe pronarët e disa dyqaneve. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin