11/11/2013 12:48:27

Ushtaret e e prekur nga stresi post-traumatik

Studimet zyrtare kanë rezultuar në se mbi 20 për qind e ushtarëve amerikanë të dërguar në Irak apo në Afganistan kanë shfaqur simptoma të PTSD-së, po ashtu edhe në Francë

BUKURESHT - Ushtria rumune fsheh rastet e ushtarëve të prekur nga stresi
post-traumatik, (PTSD), në radhët e trupave të kthyer nga misionet në Irak dhe Afganistan, njoftoi sot e përditshmja Gandul, në përfundim të një dokumentari të gjatë hetimor lidhur me çështjen.

"Krejt ndryshe nga pjesa tjetër e botës, Rumania, e cila është pjesëmarrëse në misionet ndërkombëtare në Irak dhe Afganistan me 30 mijë trupa ushtarake, nuk ka raportuar asnjë rast të prekur nga stresi post-traumatik", theksonin me habi të ndjeshme autorët e dokumentarit hetimor, Alina Matis dhe Florin Negrutiu.

Në dokumentarin e tyre, të mbështesur nga fondacion amerikan ''Carter'', që mund të shihet në http://sindromulnu.gandul.info, kreu i Departamentit të Psikologjisë në ushtrinë rumune, Adrian Prisacaru, theksonte se "asnjë prej ushtarëve rumunë nuk ishte diagnostikuar me simptoma të PTSD-së".

Shumë psikologë dhe psikiatër të pyetur nga reporterët e ''Gandul''-it, ndër të cilët Paul Fink, ish-shefi i Shoqatës Amerikane të Psikiatrisë dhe specialist në rastet e stresit post-traumatik, u shpreh se "është e pamundur të mos ekzistojë asnjë rastë i tillë në radhët e ushtarëve rumunë''.

Në SHBA, studimet zyrtare kanë rezultuar në se mbi 20 për qind e ushtarëve amerikanë të dërguar në Irak apo në Afganistan kanë shfaqur simptoma të PTSD-së, po ashtu edhe në Francë.

Shkencëtarët vlerësojnë se shtatë për qind e trupave të dërguara në Afganistan po përballen me probleme psikike ndër të cilat stresi post-traumatik është kryesori. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin