10/11/2013 18:17:17

Johnny Depp dhe Kate Moss në këngën e fundit të Paul McCartney

Këngëtari i mirënjohur Paul McCartney është në punë e sipër me këngën e tij të fundit të titulluar “Queenie eye”

LONDER- Këngëtari i mirënjohur, ish pjesëtar i grupit The Beatles, Paul McCartney, është në punë e sipër me këngën e tij të fundit të titulluar “Queenie eye” . Ai ka zgjedhur si figura për videoklipin e këngës dy emra mjaft të njohur dhe të dashur të botës së show-bizit. Bëhet fjalë për aktorin Johnny Depp dhe modelen Kate Moss.
Ata janë të dy miq të Paul dhe vajzës së tij, Stella. Madje Paul McCartney ka këmbëngulur gjatë që të ishin pikërisht ata te dy, Johnny dhe Kate, dhe u shpreh mjaft i gëzuar kur ata pranuan të ishin ikonat e këngës së tij të fundit, e cila pritet të ketë një sukses të madh.
Në videoklipin e këngës në fjalë, i realizuar tek studiot e famshme londineze “Abbey Road Studios”, morën pjesë emra të mëdhenj dhe të njohur për publikun si Meryl Streep, Gary Barlow, Sean Penn, Jeremy Irons, Tom Ford, etj.
“Ishte i pranishëm një grup artistësh mjaft heterogjen, por pothuajse të gjithë i kishin sytë tek Johnny dhe Kate”- komentoi revista e show-bizit Daily Mirror.

Daniela Vathi

Dërgo me email | Stampo artikullin